Post News Media ព័ត៌មានកីឡា ជើងខ្លាំងមកពី...

ជើងខ្លាំងមកពីប្រទេសថៃ បរាជ័យក្រោមថ្វីដៃ ឃីម បូរ៉ា

ចែកចាយបន្ត

កីឡាករប្រដាល់គុនខ្មែរ ឃីម បូរ៉ា បានយកឈ្នះកីឡាករជើងខ្លាំងដែលមកពីប្រទេសថៃ Reoun Thay ដោយពិន្ទុ ដែលជាគូមិត្តភាពអន្តរជាតិ ខណ:ក្នុងកម្មវិធី TV5 Knock Out Series By K.cement រដូវកាលថ្មី នាសប្តាហ៍ទី៥ ក៏រកឃើញអ្នកឡើងទៅវគ្គ ១៦នាក់ ២រូប បន្ថែមទៀត កាលពីថ្ងៃសៅរ៍ ទី៣០ ខែកញ្ញា កន្លងទៅ។

ជំនួបរវាងកីឡាករកម្ពុជា ឃីម បូរ៉ា និងកីឡាករថៃ Reoun Thay ជាការប្រកួតធ្វើឲ្យមានការចាប់អារម្មណ៍យ៉ាងខ្លាំង ដោយសារតែកីឡាករកម្ពុជាត្រូវគេប្រកាសថាជាជើងខ្លាំងដែលធ្លាប់ជាប់ជើងឯករងច្រើនលើកមកហើយ និងកីឡាករថៃត្រូវគេប្រកាសថាមិនធ្លាប់មកកម្ពុជាតែគេជាជើងខ្លាំងនៅក្នុងប្រទេសថៃ។ សម្រាប់គូប្រកួតដណ្ដើមជើងឯកនៅក្នុងថ្ងៃនោះកីឡាករ ផន ប៊ុនម៉ៅ មកពីក្លិបបូរីរាជសីហ៍ បានយកឈ្នះកីឡាករ រ៉ា សារ៉ែម មកពីក្លិបពន្លឺណេអុង ឡើងទៅវគ្គ ១៦នាក់ ខណ:ដែលកីឡាករមួយរូបទៀតដែលបានឡើងទៅកាន់វគ្គ ១៦នាក់ដែរគឹកីឡាករ រ័ត្ន ដារ៉ា មកពីក្លិបរស្មីភូមិគាប ខេត្តបន្ទាយមានជ័យ បន្ទាប់ពីបានយកឈ្នះកីឡាករ សៀន វិបុល មកពីក្លិបរាជសីហ៍ខេត្តរតន:គីរី (ឈ្នះពិន្ទុទាំងពីរ)។

គួរំលឹកឡើងវិញម្តងទៀតដែរថា ទូរទស្សន៍ប៉ុស្តិលេខ ៥ ធ្វើកម្មវិធី TV5 Knock Out នេះរៀងរាល់ថ្ងៃសៅរ៍ ចុងសប្តាហ៍ នៅព្រែកកំពឹស ដោយមានគូដណ្តើមពានរង្វាន់ ២គូ ហើយគូមិត្តភាពជាតិនឹងអន្តរជាតិ សរុប ៣គូ ទៀតសរុប ៥គូ៕