Post News Media ព័ត៌មានកីឡា គ្រូជម្រើសជាត...

គ្រូជម្រើសជាតិវៀតណាមសញ្ជាតិកូរ៉េខាងត្បូងដែលទើបតែងតាំង មិនដឹកនាំប៉ះកម្ពុជាទេ

ចែកចាយបន្ត

សហព័ន្ធកីឡាបាល់ទាត់វៀតណាម (VFF) បានឈានដល់កិច្ចព្រមព្រៀងបឋមជាមួយលោកគ្រូបង្វឹកសញ្ជាតិកូរ៉េខាងត្បូង Park Hang-seo អំពីការតែងតាំងគ្រូបង្វឹកក្រុមជម្រើសជាតិ។

សេចក្តីថ្លែងការណ៍របស់ VFF បានឱ្យដឹងថា៖ “នៅឯពហុកីឡដ្ឋាន Seoul World Cup គណ:ប្រតិភូ VFF រួមទាំងអនុប្រធានលោក Tran Quoc Tuan អនុប្រធានផ្នែកហិរញ្ញវត្ថុលោក Doan Nguyen Duc និងអគ្គលេខាធិការ Le Hoai Anh បានចរចាជាមួយលោកគ្រូបង្វឹកវ័យ ៥៨ ឆ្នាំ Park Hang-seo។

ភាគីទាំងពីរបានឈានដល់កិច្ចព្រមព្រៀងមួយហើយ Park នឹងទទួលតំណែងគ្រូបង្វឹករបស់ក្រុមជម្រើសជាតិវៀតណាមនិងក្រុម U-23 ។ គេរំពឹងថា VFF និង Park នឹងបញ្ចប់ព័ត៌មានលំអិតទាំងអស់នៅក្នុងកិច្ចសន្យានៅខែក្រោយហើយគ្រូកូរ៉េខាងត្បូងនឹងត្រូវមកដឹកនាំជាគ្រូបង្វឹកថ្មីរបស់វៀតណាម នាថ្ងៃទី ១៤ ខែតុលា។ ដូច្នេះក្នុងជំនួបជាមួយកម្ពុជា គឺមិនមានវត្តមានរបស់គាត់ទេ ភារកិច្ចនេះនៅតែជារបស់លោកគ្រូ Mai Duc Chung ដែលធ្លាប់ដឹកនាំយកឈ្នះកម្ពុជា កាលពីថ្ងៃទី០៥ ខែកញ្ញា ដោយលទ្ធផល ២ទល់១ នាពហុកីឡដ្ឋានជាតិ ក្នុងរាជធានីភ្នំពេញ ដដែល។

សូមបញ្ជាក់ផងដែរថា គ្រូសញ្ជាតិកូរ៉េខាងត្បូង បច្ចុប្បន្នកំពុងទទួលបន្ទុកគ្រប់គ្រងក្រុមកីឡាបាល់ទាត់ជាតិកូរ៉េពាក់កណ្តាលអាជីព Changwon FC នឹងត្រូវមកដឹកនាំជាគ្រូបង្វឹកថ្មីរបស់វៀតណាម បន្ទាប់ពីប្រកួតជាមួយកម្ពុជារួច ពោលគឺថ្ងៃទី ១៤ ខែតុលា៕