Post News Media ព័ត៌មានកីឡា Aguero អវត្តម...

Aguero អវត្តមាន ៦សប្តាហ៍ដោយសារ បាក់ឆ្អឹងចំនី

ចែកចាយបន្ត

ខ្សែប្រយុទ្ធអាហ្សង់ទីន Sergio Aguero ត្រូវបានក្រុមគ្រូ ពេទ្យក្នុងប្រទេសអាហ្សង់ទីន ផ្តល់ពត៌មានឲ្យដឹងថា កីឡាកររូបនេះ ត្រូវអវត្តមាន ៦សប្តាហ៍ដោយសារតែបាក់​ឆ្អឹងជំនី នៅក្នុងគ្រោះថ្នាក់ពេលប៉ះទង្គិចឡាន​ កាលពីពាក់កណ្តាលសប្តាហ៍មុននេះ។

ការអវត្តមាន៦ សប្តាហ៍របស់តារាស៊ុត​ Sergio Aguero នេះដែរ បានក្លាយជាក្តីកង្វល់មួយសម្រាប់ក្រុមជម្រើស​ជាតិ​អាហ្សង់ទីន ដែលកំពុងត្រៀមប្រកួតយ៉ាងសំខាន់ជាមួយក្រុម ប៉េរ៉ូ​ នាការជម្រុះ World Cup នាថ្ងៃទី ៦ខាងមុខនេះ។ ម្យ៉ាងវិញទៀត សម្រាប់ក្រុម Man City វិញក៍មានក្តីកង្វល់​ផងដែរ ព្រោះថាក្លិបកំពុងតែប្រជែងយ៉ាងខ្លាំងក្លាជាមួយ​ក្រុមបីសាចក្រហម Manchester United ដែលកំពុងតែមានពិន្ទុស្មើគ្នាក្នុងតារាង Premier League ។ Aguero បានបាក់ឆ្អឹងជំនី​ ដែលតម្រូវឲ្យរូបគេសម្រាក​ព្យាបាលរយ:ពេល ៦សប្តាហ៍ដើម្បីឲ្យជាស្រួលបួល​ មុនវិល​ទៅកាន់ទីលានប្រកួតវិញ។

បើតាមក្រុមគ្រូពេទ្យក្នុងប្រ​ទេស​អាហ្សង់ទីន បានឲ្យដឹងថា ការបាក់ឆ្អឹងជំនីនេះដែរ Aguero ត្រូវសម្រាកឲ្យបានជាស្រួលបួលសិន ដោយមិន​អាចទៅកាន់ទីលានហ្វឹកហាត់មុនការ​កំណត់បានឡើយ ព្រោះថាវាអាចប៉ះពាល់ដល់ ដល់ឆ្អឹងដែលតភ្ជាប់នោះ​ មិនទាន់ជាស្រួលបួល។ ដូច្នេះហើយ ដំណឹងនេះ អាចជា​ដំណឹងដ៍អាក្រក់សម្រាប់ក្រុមជម្រើសជាតិអាហ្សង់ទីន និងក្រុម Manchester City ដែលត្រូវការកីឡាកររូបនេះ​យ៉ាងសំខាន់បំផុតនោះ។