Post News Media ព័ត៌មានកីឡា Real នៅតែជាគូ...

Real នៅតែជាគូប្រជែង Man Utd

ចែកចាយបន្ត

ថ្វីបើក្រុមបីសាចក្រហម Manchester United បានត្រៀមទឹកប្រាក់រហូតដល់ទៅ ១៥៥លានផោន ក្នុងការ​ទិញខ្សែប្រយុទ្ធវ័យក្មេងកំពុងឡើងជើង Paulo Dybala ក៍ដោយ តែក្រុមស្តេចស​ Real Madrid នៅតែប្រជែង ក្នុងការតាមប្រមាញ់ ខ្សែប្រយុទ្ធអាហ្សង់ទីន រូបនេះដដែល។

បើតាមការចុះផ្សាយរបស់ Mundo Deportivo​ បានឲ្យដឹងថា Real Madrid នៅតែមិនដកខ្លួន ក្នុងការ​ប្រជែងទិញ Dybala ជាមួយក្រុមបីសាចក្រហម Manchester United ឡើយ។ ខណ:ពេលនេះ លោក Florentino Perez កំពុងតែធ្វើការពិភាក្សាលើតម្លៃដេញ​ថ្លៃ Dybala ជាមួយ Man Utd ព្រោះថា ពិតជាចង់បាន​កីឡាករវ័យក្មេងរូបនេះយ៉ាងខ្លាំង។ ជាក់ស្តែងណាស់ Dybala ត្រូវបានតាមប្រមាញ់ ជាយូរណាស់មកហើយពី សំណាក់ក្រុម Real Madrid ក៍ប៉ុន្តែកាលពីរដូវក្តៅកន្លងមកក្លិប Juventus បានបដិសេធលក់កីឡាករ អាហ្សង់ទីនរូបនេះ។ យ៉ាងណាវិញ​​ ក្រោយពី Juventus បានយល់ព្រមលក់ Paulo Dybala នៅរដូវក្តៅក្រោយនេះ។

Real Madrid មានក្តីសង្ឃឹមខ្ពស់ក្នុងការនាំយកកីឡាកររូបនេះ បើទោះបីជាមានក្រុម ប្រជែង Man Utd ក៍ដោយ។ គួរបញ្ជាក់ផងដែរថា មិនត្រឹមតែប្រជែងគ្នាក្នុងការចង់បាន Dybala ឡើយ ក្រុមបីសាចក្រហម Manchester United និងក្រុមស្តេចស Real Madrid ក៍ជាគូប្រជែងគ្នាក្នុងការដណ្តើម Antonie Griezmann ដែរ។