Post News Media ព័ត៌មានកីឡា Lewandowski រ...

Lewandowski រកបាន Hat trick ឲ្យក្រុមជម្រើសជាតិ ដើម្បីបន្តក្តីសង្ឃឹមឡើងវគ្គចែកពូល

ចែកចាយបន្ត

ថ្វីបើ​ ខ្សែប្រយុទ្ធដ៍ឆ្នើម Robert Lewandowski ជាកីឡាករមួយរូប ដែលតែងតែរកបានគ្រាប់បាល់ Hat trick ឲ្យក្រុមបាល់ទាត់ក្នុងលីគអាជីពក៍ដោយ​ តែសម្រាប់ការលេងឲ្យក្រុមជម្រើសជាតិវិញ ការទាត់ Hat trick គឺកម្រណាស់ សម្រាប់ខ្សែប្រយុទ្ធដ៍ឆ្នើមរូបនេះ។

យ៉ាងណាវិញ សម្រាប់ការប្រកួតក្នុងទឹកដី ក្រុមអាមេនៀរយប់មិញនេះ Robert Lewandowski បានស៊ុត ៣គ្រាប់ឲ្យក្រុមជម្រើសជាិប៉ូឡូញ យកឈ្នះក្នុង​លទ្ធផល ៦-១។ ៣គ្រាប់របស់ Lewandowski រកបាននៅនាទីទី ១៨, ២៥ និង៦៤ ខណ:៣គ្រាប់ផ្សេងទៀត រកបានដោយ Kamil Grosicki នៅនាទីទី២, Jakub Blaszczykowski នៅនាទីទី ៥៨ និង Rafal Wolski នៅនាទីទី៨៩ ចំណែកក្រុម អាមេនៀរវិញ រកបានត្រឹម១គ្រាប់សងវិញ ដោយកីឡាករ​ Hovhannes Hambardzumyan នៅនាទីទី​ ៣៩។ ដូច្នេះហើយ ក្រោយចប់ការប្រកួតនេះ ក្រុមប៉ូឡូញ មាន ២២ពិន្ទុ លើក្រុមដាណឺម៉ាក ត្រឹម៣ពិន្ទុប៉ុណ្ណោះ ដែលរវាងក្រុមទាំង២ ត្រូវបន្តធ្វើព្យុះធ្វើភ្លើងបន្តទៀត ដើម្បីដណ្តើមកៅអីឡើង ស្វ័យប្រវត្តិ។

ការប្រកួតចុងក្រោយ ប៉ូឡូញ ត្រូវបើកទ្វារទទួលក្រុម ម៉ុងតេណេក្រូ ដែលជាក្តីសង្ឃឹមយ៉ាងខ្លាំងសម្រាប់ពួកគេ ខណ:ក្រុម ដាណឺម៉ាក ត្រូវជួបក្រុម រ៉ូម៉ានី ។ រង់ចាំមើលថា តើរវាងក្រុម ប៉ូឡូញ និង ដាណឺម៉ាក មួយណានឹងឡើងដោយស្វ័យប្រវត្តិ និងមួយណាត្រូវប្រកួត Play Off បន្តទៀត?