Post News Media ព័ត៌មានកីឡា Harry Kane ជា...

Harry Kane ជាប់ក្នុង Short list របស់ FIFA ក្នុងការប្រជែង Balon D’Or

ចែកចាយបន្ត

ខ្សែប្រយុទ្ធអង់គ្លេស Harry Kane របស់ក្រុម Tottenham Hotspur ត្រូវបាន FIFA ជ្រើសរើស ក្នុងបញ្ជី ៣០នាក់ចុងក្រោយ នៃការប្រជែងយក Balon D’Or ឆ្នាំនេះ។

នេះគឺជាឱកាសយ៉ាងល្អមួយ សម្រាប់ខ្សែប្រយុទ្ធដែលកំពុងទទួលបានការចាប់អារម្មណ៍ យ៉ាងខ្លាំង នាពេលបច្ចុប្បន្ននេះ Harry Kane ។ Kane ត្រូវបានជាប់ឈ្មោះជាមួយនឹងកីឡាករឆ្នើមៗ ជាច្រើនមកពីលីគកំពូលៗ នៅអឺរ៉ុប ដែលរួមមានទាំង តារាឆ្នើម Cristiano Ronaldo និង Lionel Messi ផងដែរ។ យ៉ាងណាវិញ សម្រាប់ Harry Kane គឺរូបគេ កំពុងតែមានក្តីសង្ឃឹមយ៉ាងខ្លាំង ក្នុងការឈ្នះពាននេះ ព្រោះថា កីឡាករអង់គ្លេស រូបនេះ បានឈ្នះស្បែកជើងមាស នៅ Premier League ២រដូវកាលជាប់គ្នា។

ម្យ៉ាងវិញទៀតនោះ កាលពីរដូវកាលកន្លងមក Harry Kane ស៊ុតបញ្ចូលទីបាន ៤៣ គ្រាប់ ក្នុងការបង្ហាញខ្លួន ៣៧ប្រកួតឲ្យក្លិប និងក្រុមជម្រើសជាតិ ដែលនេះ គឺជាការបង្ហាញខ្លួនយ៉ាងល្អ សម្រាប់ខ្សែប្រយុទ្ធរូបនេះ ។ ជាងនេះទៅទៀត សម្រាប់រដូវកាលនេះវិញ Harry Kane នៅតែមានទម្រង់លេងយ៉ាងល្អ ទាំងការលេងនៅ Tottenham និង ជម្រើសជាតិអង់គ្លេស ហេតុនេះហើយ ក្តីសង្ឃឹមរបស់ Kane សម្រាប់ការឈ្នះពាន Balon D’Or នៅតែមានដរាបណាមិនទាន់ចេញលទ្ធផល។

ដូច្នេះហើយ រង់ចាំមើលថា​ តើខ្សែប្រយុទ្ធអង់គ្លេស Harry Kane អាចជាប់ក្នុង Short list ៣នាក់ចុងក្រោយ របស់ FIFA ព្រមទាំងអាចឈ្នះពាន Balon D’Or ឆ្នាំនេះ បានដែរឬទេ?