Post News Media ព័ត៌មានកីឡា អ៊ីរ៉ង់ ឆិតធ្...

អ៊ីរ៉ង់ ឆិតធ្វើឲ្យម្ចាស់ផ្ទះ World Cup ២០១៨ ស្រក់ទឹកភ្នែក

ចែកចាយបន្ត

វត្តមានរបស់ក្រុមជម្រើសជាតិ អ៊ីរ៉ង់ នៅលើទឹកដីរុស្ស៊ី​ មុនការប្រកួត World Cup ឆ្នាំក្រោយមកដល់នេះ ពិតជាមិនធម្មតាឡើយ ព្រោះថា ក្រុមអាស៊ីមួយនេះ បានធ្វើឲ្យ រុស្ស៊ីតាមយ៉ាងវេទនា ទម្រាំទទួលបានលទ្ធផល ១-១ មកវិញ។

អ៊ឺរ៉ង់ ធ្វើបានយ៉ាងល្អ ក្នុងការទៅប្រកួតមិត្តភាព​ កម្តៅសាច់ដុំ មុនព្រឹត្តិការណ៍ World Cup ២០១៨ មកដល់ ដោយបានលេងស្មើក្រុមម្ចាស់ផ្ទះរុស្ស៊ី ក្នុងលទ្ធផល​ ១-១ ។ ក្រុមជម្រើសជាតិអ៊ីរ៉ង់ បានរកគ្រាប់បាល់បញ្ចូលទី ១គ្រាប់មុន ដោយការស៊ុតបញ្ចូលទីរបស់កីឡាករ Sardar Azmoun នៅនាទីទី ៥៧ ដែលបានធ្វើឲ្យភាពពុះកញ្ជ្រោលរបស់ក្រុម រុស្ស៊ី កាន់តែឆេះធំឡើយ ក្នុងការស្រេកឃ្លានជ័យជម្នះ ក្នុងនាមនាម្ចាស់ផ្ទះ ការប្រកួតនេះផង និងជាម្ចាស់ផ្ទះ ព្រឹត្តិការណ៍ដ៍ធំ​ របស់ពិភពលោក FIFA World Cup ២០១៨ នៅឆ្នាំក្រោយនេះ។

យ៉ាងណាវិញ ក្រុមជម្រើសជាតិ រុស្ស៊ី បានបើកការវាយលុក ដូចផ្លេកបន្ទោរ លើក្រុមអ៊ីរ៉ង់ ដើម្បីស្វែងរកគ្រាប់បាល់តាមមកវិញ។ អ្វីដែលជាពន្លឺ សម្រាប់រុស្ស៊ីនោះគឺ​ នៅនាទីទី ៧៤ កីឡាករ Dimitry Poloz បានស៊ុត១គ្រាប់តាម្មើមកវិញ ឲ្យក្រុមម្ចាស់ផ្ទះរុស្ស៊ី ជាហេតុធ្វើឲ្យរុស្ស៊ីរាងស្រាលចិត្តបន្តិច។ យ៉ាងណាក៍ដោយ រុស្ស៊ី បានបន្តការវាយលុកទៀត លើក្រុមអ៊ីរ៉ង់ តែមិនអាចធ្វើអ្វី បាន ដែលក្រុមទាំង២ បញ្ចប់ក្នុងលទ្ធផល ១-១ ត្រឹម ៩០នាទីពេញ។

ដូច្នេះហើយ ការប្រកួតស្មើគ្នានេះ វាមិនមែនជាលទ្ធផលល្អឡើយ សម្រាប់ក្រុមរុស្ស៊ី ដែលកំពុងត្រៀមខ្លួន ធ្វើជាម្ចាស់ផ្ទះឆ្នាំក្រោយ ខណ:ក្រុមអ៊ីរ៉ង់ វិញ គឺជារឿងដ៍ល្អបំផុត ព្រោះថា ក្រុមតំណាងអាស៊ីមួយនេះ លេងបានយ៉ាងល្អ នៅលើទឹកដី ដែលអ៊ីរ៉ង់ ត្រៀមទៅប្រជែងពាន World Cup នៅឆ្នាំក្រោយនេះ។