Post News Media ព័ត៌មានកីឡា PSG កំពុងប្រម...

PSG កំពុងប្រមូលកីឡាករល្អៗ នៅ Premier League

ចែកចាយបន្ត

បន្ទាប់ពីតាមប្រមាញ់ ខ្សែប្រយុទ្ធឆ្នើមឈីលី Alexis Sanchez មិនទាន់បានសម្រេចជាស្ថាពរ​ ផងនោះ ក្រុម Paris Saint Germain បានត្រៀមនាំយកខ្សែបម្រើ​កណ្តាលបារាំង N’Golo Kante ពីក្រុមតោខៀវ Chelsea មួយរូបទៀត។

នេះគឺជា ការចំណាយលុយយ៉ាងច្រើនសន្ធឹកសន្ធាប់ សម្រាប់ក្រុម Paris Saint Germain ក្នុងការនាំយកកីឡាករ​ ល្បីៗ និងឆ្នើមៗ​មកពង្រឹងក្លិប ក្នុងការប្រជែង យកពានអឺរ៉ុប។ ក្នុងនោះដែរ បើតាមការចុះផ្សាយ របស់ Mirror បានឲ្យដឹងថា Paris Saint Germain នឹងចំណាយទឹកប្រាក់ ៩០លានផោន ដើម្បីទិញយក N’Golo Kante ពីក្រុមតោខៀវ Chelsea ។ Kante គឺជាកីឡាករដ៍ឆ្នើមមួយរូបដែលបានផ្លាស់​មកលេងនៅ Premier League ៣រដូវកាលកន្លងមកហើយ គិតទាំងរដូវកាលនេះ ដោយរដូវកាលទី១ កីឡាកររូបនេះ ជាចំណែកមួយជួយឲ្យ Leicester City ឈ្នះពាន Premier League ក្រោយមក នៅរដូវកាលបន្ទាប់ Kante បានផ្លាស់មកកាន់​ក្រុម Chelsea ក្នុងតម្លៃ លានផោន ហើយក៍ជាចំណែក​មួយជួយ Chelsea ឈ្នះពាន Premier League ផងដែរ។​

សម្រាប់ Paris Saint Germain វិញ ពិតជាមានបំណងចង់បានកីឡាករបារាំងនេះយ៉ាងខ្លាំង​ ហើយក្រុមជើងខ្លាំង មួយនេះ នឹងនាំយក Kante ត្រឡប់ទៅកាន់ League1 វិញ។ គួរបញ្ជាក់ផងដែរថា ក្រុម Leicester City បានទិញ N’Golo Kante ពីក្រុម Caen កាលពី៣ឆ្នាំមុន ត្រឹមតែតម្លៃ ៥,៦លានផោនប៉ុណ្ណោះ ខណ:ការត្រឡប់ទៅវិញនេះ Kante នឹងមានតម្លៃខ្លួនដល់ទៅ ៩០លានផោន ។ យ៉ាងណាវិញ Chelsea ដូចជាមិនទាន់មានប្រតិកម្មណា​មួយជាមួយក្រុម Paris Saint Germain ឡើយ ក៍ប៉ុន្តែ តោខៀវ Chelsea អាចនឹងយល់ព្រមសំណើរនេះ ព្រោះថា ពួកគេកំពុងតែចាប់អារម្មណ៍លើកីឡាករថ្មីៗ ជាច្រើនរូបផងដែរ។

ម្យ៉ាងវិញទៀត Dani Drinkwater ដែល Chelsea បានទិញ កាលពីរដូវក្តៅកន្លងមក នឹងមានឱកាសបង្ហាញសមត្ថភាព ប្រសិនបើ N’Golo Kante ចាកចេញទៅកាន់ Paris Saint Germain មែននោះ។