ក្រុម Bayern Munich បានចាប់ផ្តើមវិលទៅរកភាពខ្លាំងក្លារបស់ពួកគេ ដូចដើមវិញ ហើយ ក្រោយពីការឡើងកាន់តួនាទីទីរបស់លោក Jupp Heynckes រួចមក ដោយ៣ប្រកួតកន្លងមក គឺឈ្នះរហូត​មិនដែលចាញ់ឡើយ។

ជាក់ស្តែងណាស់ ក្នុងការប្រកួតយប់មិញនេះ ក្រុម Bayern Munichបានបន្តយកឈ្នះក្រៅដីលើក្រុម Humberger SV ក្នុងលទ្ធផល ១-០ ។ ១គ្រាប់គត់នេះ របស់ក្រុម​ Bayern Munich រកបានដោយកីឡាករ Corentin Tolisso នៅនាទីទី៥២ ដែលបានធ្វើឲ្យក្រុម​ជើងខ្លាំងមួយនេះ ទទួលបាន ៣ពិន្ទុជាបន្តទៀត។ គួរបញ្ជាក់ផងដែរថា លោក Jupp Heynckes បានមកដឹកនាំក្រុម Bayern Munich ទើបតែបាន​ ៣ប្រកួតប៉ុណ្ណោះ នៅរដូវកាលនេះ ក្រោយពីក្លិបបានបណ្តេញលោក Carlo Ancelotti ចេញ។

អតីតគ្រូបង្វឹកក្រុម Bayern Munic រូបនេះ បានដឹកនាំការប្រកួតដែលលោកដឹកនាំដំបូងនោះដំបូង ក្នុងការប្រកួតជាមួយក្រុម Freiburg ដោយយកឈ្នះ ក្នុងលទ្ធផល ៥-០ រួចបន្តទៅឈ្នះ Celtic នៅ Champion League ៣-០ និងយប់មិញនេះ ឈ្នះ Humberger ១-០។ ម្យ៉ាងវិញទៀតនោះ នៅពេលនេះ Bayern Munich បានរំកិលពិន្ទុមកស្មើក្រុមកំពូលតារាង Dortmund វិញហើយ ក្រោយពីក្រុមមួយនេះ ភ្លាត់ស្នៀត ចាញ់១ ប្រកួតនៅសប្តាហ៍មុន និងសប្តាហ៍នេះ ស្មើទៀត។

ដូច្នេះហើយ ក្រោមការដឹកនាំរបស់លោក Jupp Heynckes ជាថ្មីម្តងទៀតនេះ ក្រុម Bayern Munich នឹងមានឱកាសឈ្ះពាន Bundesliga ជាក់ជាមិនខាន ខណៈ Champion League ក៍ក្រុមជើងខ្លាំងអាឡឺម៉ង់ មួយនេះ អាចឡើងទៅកាន់វគ្គបន្តផងដែរ។