Post News Media ព័ត៌មានកីឡា គួច សុកុម្ភ: ...

គួច សុកុម្ភ: ត្រលប់មកជម្រើសជាតិជាថ្មី កែវ សុខផេង ប្រគល់អាវលេខ ១០ ឲ្យវិញ

ចែកចាយបន្ត

ខ្សែបម្រើប្រយុទ្ធចាស់វស្សា គួច សុកុម្ភ: មានឈ្មោះក្នុងក្រុមជម្រើសជាតិកម្ពុជាសារជាថ្មី បន្ទាប់ពីលោក ប្រាក់​ សុវណ្ណារ៉ា ចូលមកដឹកនាំ កីឡាកររបស់ក្លិបណាហ្គាវើលរូបនេះ បានខកខានជួយជាតិអស់ជាច្រើនឆ្នាំ ដោយសារតែរបួស។

ការវិលត្រលប់មកវិញនេះ បានធ្វើឲ្យកីឡាករ កែវ សខផេង ប្រគល់អាវលេខ ១០ ដែលខ្លួនធ្លាប់ពាក់ ឲ្យមករៀមច្បង គួច សុកុម្ភ: ខណ:ដែលកីឡាកររបស់ក្លិប ភ្នំពេញក្រោន រូបនេះ មកពាក់អាវលេខ ៨ វិញ។ ជាក់ស្តែង នៅក្នុងជំនួបមិត្តភាពជាមួយ African All Stars ខ្សែប្រយុទ្ធ កែវ សុខផេង បានពាក់អាវលេខ ៨ ដែលធ្វើឲ្យអ្នកគាំទ្រកីឡាកររូបនេះមួយចំនួន មានការភ្ញាក់ផ្អើលយ៉ាងខ្លាំង ដែលគ្រាប់គ្នាធ្លាប់តែស្គាល់ថា ជាកីឡាករលេខ ១០ របស់ជម្រើសជាតិកម្ពុជា ក៏ដូចជាភ្នំពេញក្រោន ហេតុអ្វីប្តូលេខអាវដូច្នេះ។

សូមបញ្ជាក់ផងដែរថា ក្នុងជំនួបមិត្តភាពអន្តរជាតិជាមួយ ជម្រើសជាតិមីយ៉ាន់ំម៉ា នៅថ្ងៃទី០៩ ខែវិច្ចិកា ឆ្នាំ២០១៧ នាពហុកីឡាដ្ឋានជាតិ ក៏ដូចជាប្រកួតនឹង ហ្សកដានី ក្នុងពានរង្វាន់ AFC Asian Cup UAE 2019 នៅថ្ងៃទី១៤ ខែវិច្ចិកា គួច សុកុម្ភ: ត្រូវពាក់អាវលេខ ១០​ ដែល កែវ សុខផេង ធ្លាប់ពាក់កន្លងមកវិញ៕

ចែកចាយបន្ត