Post News Media ព័ត៌មានកីឡា Xavi ប្រកាសផែ...

Xavi ប្រកាសផែនការចូលនិវត្តន៍នៅឆ្នាំក្រោយហើយប្តូអាជីព

ចែកចាយបន្ត

អតីតកីឡាកររបស់ក្រុម Barcelona ខ្សែបម្រើ Xavi បានបង្ហើបឱ្យដឹងថាគាត់ត្រៀមខ្លួនចូលនិវត្តន៍ពីការលេងបាល់ទាត់នៅចុងបញ្ចប់នៃរដូវកាលនេះ។ នេះបើយោងតាមសេចក្តីរាយការណ៍ដោយ Marca។

Xavi បាននិយាយថា៖ “ខ្ញុំមានសំណាងមិនមានរបួស ហើយខ្ញុំគិតថាអាជីពរបស់ខ្ញុំបានថយចុះជាលំដាប់។ ខ្ញុំក៏ដឹងថាខ្ញុំធុញទ្រាន់ ខ្ញុំពិបាកក្នុងការសង្គ្រោះបាល់ ហើយខ្ញុំប្រាកដថាវាជាឆ្នាំចុងក្រោយរបស់ខ្ញុំក្នុងនាមជាកីឡាករបាល់ទាត់»។

ម្យ៉ាងវិញទៀតកីឡាករសញ្ជាតិអេស្ប៉ាញរូបនេះបានបញ្ជាក់ពីបំណងរបស់គាត់ក្នុងការបន្តអាជីពជាគ្រូបង្វឹក។ លោកបានបន្ថែមថា៖ «ខ្ញុំមានគំនិតក្នុងការចេញអាជ្ញាប័ណ្ណនិងក្លាយជាគ្រូបង្វឹកម្នាក់នៅឆ្នាំក្រោយ»។ ខ្សែបម្រើកណ្តាលអាយុ ៣៧ ឆ្នាំរូបនេះ បានប្រកាសចូលនិវត្តន៍ពីក្រុមជំ្រើសជាតិអេស្ប៉ាញកាលពីឆ្នាំ ២០១៤ បច្ចុប្បន្នកំពុងលេងឱ្យក្លឹប Al-Sadd របស់ កាតា។

ប្រវត្តដែលខ្សែបម្រើរូបនេះធ្លាប់ឈ្នះ ជាមួយជម្រើសជាតិអេស្ប៉ាញ និងក្រុម Barcelona សម្រាប់អាជីពដ៏អស្ចារ្យរបស់គាត់រួមមាន៖ ពានរង្វាន់ La Liga ចំនួន ៨ ពានរង្វាន់ក្របខ័ណ្ឌ Champions League ៤ដង ពានលំដាប់ពិភពលោក World Cup ម្តង និងពានរង្វាន់ European ចំនួនពីរ៕