Post News Media ព័ត៌មានកីឡា Aguero ស៊ុតចុ...

Aguero ស៊ុតចុងម៉ោង យកឈ្នះរុស្ស៊ី

ចែកចាយបន្ត

ក្រុមម្ចាស់ផ្ទះរុស្ស៊ី បានរងការបរាជ័យចុងម៉ោង ក្រោមស្នាដៃក្រុមជើងខ្លាំងអាហ្សង់ទីន ក្នុងជំនួបមិត្តភាពកម្តៅសាច់ដុំ ត្រៀមប្រកួតព្រឹត្តិការណ៍ World Cup ឆ្នាំក្រោយនេះ។

ថ្វីបើជាការប្រកួត ក្នងលក្ខណះមិត្តភាពក្តី ក៍ប៉ុន្តែសម្រាប់ក្រុមទាំង២ បានដាក់សុទ្ធសឹងកីឡាករឆ្នើមៗ ទាំងអស់ ឲ្យលេងក្នុងការប្រកួតនេះ។ យ៉ាងណាវិញ ក្រុមម្ចាស់ផ្ទះត្រៀមទទួលស្វាគមន៍ ព្រឹត្តិការណ៍ World Cup ឆ្នាំក្រោយនេះ បានរងបរាជ័យក្រោមស្នាដៃក្រុម អតីតរងជើងឯក World Cup កាលពីឆ្នាំ ២០០៤ អាហ្សង់ទីន ក្នុងលទ្ធផល ១-០ ។ ១គ្រាប់របស់ក្រុមជម្រើស​ជាតិអាហ្សង់ទីននេះដែរ រកបានដោយខ្សែប្រយុទ្ធរបស់ក្រុម Manchester City កីឡាករ Sergio Aguero នៅនាទីទី៨៦ កៀកនឹងបញ្ចប់ការប្រកួតទៅហើយ។

គួរបញ្ជាក់ផងដែរថា ការប្រកួតមិត្តភាព រវាងរុស្ស៊ី និងអាហ្សង់ទីននេះដែរ ប្រៀបដូចជាការត្រៀមខ្លួន សម្រាប់ក្រុមទាំង២ អ៊ីចឹង ខណ:រុស្ស៊ី ចង់ឲ្យអាហ្សង់ទីន មកលេងក្នុងទឹកដីរបស់ពួកគេខ្លាំងណាស់។ ថ្វីបើចាញ់ តែរុស្ស៊ី ទទួលបានបទពិសោធន៍ ល្អជាមួយការប្រកួតនេះ ព្រោះថា អាហ្សង់ទីនជាក្រុមខ្លាំង ពោរពេញទៅដោយកីឡាករឆ្នើមៗ ដែលអាចលុតដំរុស្ស៊ី ឲ្យ​ត្រៀមខ្លួនបានយ៉ាងល្អ សម្រាប់ធ្វើជាម្ចាស់ផ្ទះ នៅឆ្នាំក្រោយនេះ។

ចំណែកអាហ្សង់ទីនវិញ ក៍ជាការប្រកួតត្រៀមខ្លួនដ៍សំខាន់ សម្រាប់ពួកគេដែរ ព្រោះ​ថា ការមកលេងឈ្នះក្នុងទឹកដីរុស្ស៊ី មិនមែនជារឿងងាយ​ស្រួលឡើយ ដែលប្រៀបដចជាការមកស្គាល់ទីលាន ឲ្យបានច្បាស់ ក្នុងប្រទេសរុស្ស៊ីផងដែរ។

ចែកចាយបន្ត