Post News Media ព័ត៌មានកីឡា Suarez ថា​ Ne...

Suarez ថា​ Neymar មិនមក Real Madrid ទេ

ចែកចាយបន្ត

ខ្សែប្រយុទ្ធអ៊ុយរ៉ាហ្គាយ Luis Suarez បានឲ្យដឹងថា អតីតមិត្តរួមក្រុម របស់គេ Neymar នឹងមិនមកចូលរួជាមួយក្រុម Real Madrid ឡើយ បើទោះជាលុយច្រើនប៉ុណ្ណាក៍ដោយ។

បើតាមការចុះផ្សាយរបស់ Marca ពីប្រទេសអេស្ប៉ាញបាន​ឲ្យដឹងថា ខ្សែប្រយុទ្ធ Luis Suarez របស់ក្រុម Barcelona ជឿជាក់ថា Neymar មិនមកធ្វើគូបដិបក្ខជាមួយ ក្រុម Barcelona ឡើយ។ ប្រភពខាងលើដដែល បានឲ្យដឹងបន្ថែមទៀតថា Suarez បានយល់ច្បាស់ពី Neymar ថ្វីដ្បិតតែ រូបគេបានចាកចេញពី Barcelona មែន តែចិត្តរបស់គេ នៅជាមួយ Barcelona ជានិច្ច។ ម្យ៉ាងវិញទៀតនោះ បើ Neymar ចង់ទៅ Real Madrid គេទៅយូរហើយ មិនមែនយល់ព្រមផ្លាស់មកកាន់ក្រុម Barcelona ឡើយ។

យ៉ាងណាវិញ នេះគ្រាន់តែជាការអះអាងរបស់ Luis Suarez ប៉ុណ្ណោះ ខណ:ខាង Neymar ឯណោះវិញ មិនទាន់មានប្រតិកម្មរឿងនេះនៅឡើយទេ​ ព្រោះថាកីឡាករ​ប្រេស៊ីលរូបនេះ កំពុងតែទៅសាងភាពល្បាញល្បី នៅ Paris Saint Germain ដើម្បីការឈ្នះពានរង្វាន់ផ្ទាល់​ខ្លួន ដូចទៅនឹងសិស្សច្បងរបស់គេ Ronaldo, Ronaldinho, Rivaldo និង Kaka ជាដើម ដែលសុទ្ធសឹងធ្លាប់ឈ្នះ Balon D’Or ។

ចំពោះពាក្យចរចាមអារាម ផ្លាស់មក​ Real Madrid នោះត្រូវបាន Luis Suarez ចេញមុខមកបដិសេធ ទាំងស្រុង ព្រោះកីឡាកររូបនេះ ជឿជាក់ថា Neymar មិនដែលចង់ក្លាយជាគូប្រជែងរបស់ Barcelona ឡើយ ស្របពេលដែល Real Madrid គឺជាសត្រូវស្លាប់រស់ ក្នុងសមរភូមិ របស់ Barcelona នោះផងដែរ។

ចែកចាយបន្ត