Post News Media ព័ត៌មានកីឡា Sterling ត្រូ...

Sterling ត្រូវរង់ចាំដល់ចប់ World Cup ទើបដឹងពីការបន្តកុងត្រាថ្មី ជាមួយ​ Man City

ចែកចាយបន្ត

ខ្សែប្រយុទ្ធល្បឿនលឿន អង់គ្លេស Raheem Sterling មិនទាន់ ត្រូវបានក្រុម Manchester City បន្តកុងត្រាថ្មី ដល់កីឡាកររូបនេះឡើយ ដោយត្រូវរង់ចាំរហូតដល់ ការប្រកួត World Cup នៅរុស្ស៊ីចប់សិន។

បើតាមការឲ្យដឹងរបស់ Daily Mirror បានឲ្យដឹងថា លោក​ Pep Guadiola មិនទាន់សម្រេចបន្តកុងត្រាថ្មី ជាមួយខ្សែ​ប្រយុទ្ធ Raheem Sterling ឡើយ បើទោះបីជាប៉ុន្មានថ្ងៃមុននេះ Man City បានបង្ហើបពីកុងត្រាថ្មី ជាមួយកីឡាកររូបនេះក៍ដោយ។ ការមិនទាន់បន្តកុងត្រាថ្មីនេះដែរ ដោយសារតែលោក Pep Guadiola ចង់មើលពីសមត្ថភាពរបស់ Sterling ក្នុងព្រឹត្តិ​ការណ៍​ World Cup ខាងមុខនេះ ថ្វីបើអង់គ្លេសមិនទាន់កំណត់ឈ្មោះ កីឡាករ ២៣រូបដែល​ត្រូវទៅលេងក៍ដោយ តែលោក Pep ជឿជាក់ថា Sterling ប្រាកដជាមានឈ្មោះក្នុងនោះដែរ។ ម្យ៉ាងវិញទៀតនោះ លោក Pep គិតថា Sterling នៅមានកុងត្រានៅឡើយ មិនទាន់ផុតនៅឡើយទេ ដោយរង់ចាំដល់ពេលនោះ ក៍មិនទាន់យឺតពេលដែរ។

យ៉ាងណាវិញ តាមការមើលឃើញពី អ្នកតាមដានបាល់ទាត់ ទាំងអស់ បានយល់ប្លែកពីហ្នឹងបន្តិចថា ការពន្យាពេលបន្តកុងត្រានេះ ដោយសារតែ Man City ចង់ឲ្យ​ Raheem Sterling ខិតខំបន្ថែម នៅព្រឹត្តិការណ៍ World Cup ខាងមុខនេះ ទាំងជម្រើសជាតិ និងការទាក់ទាញពីក្រុម ក្នុងការក្សាទុកកីឡាករអង់គ្លេសរូបនេះ ព្រោះថា Man City សម្លឹងឃើញកីឡាករថ្មីខ្លះ ដែលអាចប៉:ពាល់ដល់កីឡាករចាស់មួយចំនួន ប្រសិនបើ​មិនប្រឹងប្រែងទេនោះ។ ដូច្នេះហើយ Raheem Sterling នឹងត្រូវពន្យាពេល បន្តកុងត្រាថ្មី ជាមួយក្រុម Manchester City រហូតដល់ចប់ព្រឹត្តិការណ៍ World Cup សិន។

ចែកចាយបន្ត