Post News Media ព័ត៌មានកីឡា Anderson ចាកច...

Anderson ចាកចេញពី J1 League មកចូលរួមជាមួយក្លិបនៅលីគកំពូលថៃវិញ

ចែកចាយបន្ត

ខ្សែការពារ Anderson dos Santos ចាកចេញពីក្លិប Shimizu S-Pulse នៃក្របខ័ណ្ឌលីគកំពូលជប៉ុន J1 League ហើយវិលត្រឡប់មកកាន់លីគកំពូលថៃវិញ ដើម្បីចូលរួមជាមួយ Suphanburi FC នៅរដូវកាលក្រោយ។

កីឡាករសញ្ជាតិប្រេស៊ីលរូបនេះធ្លាប់បានលេងជាមួយ Chonburi FC ក្នុងប្រទេសថៃដែរកាលពីឆ្នាំ ២០១២ ដល់ ២០១៦ គាត់ត្រូវបានបង្ហាញខ្លួនជាញឹកញាប់នៅក្នុងក្រុម ពោលចំនួន ១០៨ ប្រកួត និងស៊ុតបញ្ចូលទីបាន ១៨ គ្រាប់។ មុនពេលផ្លាស់ទៅពហុកីឡដ្ឋាន Chonburi ខ្សែការពាររូបនេះក៏ធ្លាប់លេងឱ្យ Buriram PEA កាលពីឆ្នាំ ២០១០ ដល់ឆ្នាំ ២០១១ ផងដែរ។

Anderson បានចុះហត្ថលេខាលើកិច្ចសន្យាជាមួយ Suphanburi FC រហូតបញ្ចប់រដូវកាល ២០១៨ ខណ:ដែលកាលពីខែមុនក្លិបមួយនេះក៏បានយកកីឡាករស៊ុតបញ្ចូលទីលំដាប់កំពូលរបស់ក្រុម Bali United គឺ Sylvano Comvalius ដោយកិច្ចសន្យារយ:ពេលពីរឆ្នាំ៕

ចែកចាយបន្ត