Post News Media ព័ត៌មានកីឡា Real Madrid ដ...

Real Madrid ដូរគោលដៅ ១០០លានអឺរ៉ូ លើអ្នកចាំទីមួយរូប តែមិនមែន De Gea

ចែកចាយបន្ត

ការរំពឹងចង់បានអ្នកចាំទីអេស្ប៉ាញ Devid De Gea ពីក្រុមបីសាចក្រហម Manchester United របស់ Real Madrid ទំនងជាត្រូវបញ្ចប់ហើយ ដោយក្លិបយក្ស​អេស្ប៉ាញមួយនេះ បានបង្វែរគោលដៅថ្មីលើអ្នកចាំទីផ្សេង​វិញ។

ជាក់ស្តែងណាស់ បើតាមការចុះផ្សាយរបស់ The Mirror បានឲ្យដឹងថា ក្រុមអធិរាជស Real Madrid បានបង្វែរលុយ​ ១០០លានអឺរ៉ូរបស់គេ ទៅទិញយកអ្នក​ចាំទីប៊ែលហ្ស៊ិក Thibaut Courtios របស់ក្រុមតោខៀវ Chelsea ជំនួសការទិញយក Devid De Gea របស់ Mn Utd វិញ។ Real Madrid បានខកខានជាច្រើនលើកមកហើយ ក្នុងការតមប្រមាញ់ De Gea ដោយសារតែ Man Utd មិនព្រមលក់ឲ្យសោះ ជាហេតុធ្វើឲ្យក្លិបលំដាប់ពិភពលោកមួយនេះ ខកខានឱកាសក្នុងការនាំយកអ្នកចាំទីថ្មី។

យ៉ាងណាវិញ លោក Florentino Perez នាយកប្រតិបត្តិក្លិប Real Madrid បានសម្រេចចិត្តបោះបង់ការចង់បាន Devid De Gea ហើយ ដោយលោកនឹងមកទិញយក Thibaut Courtios វិញ ពោលគឺយកលុយ ១០០លានអឺរ៉ូ ដែលត្រៀមទិញ De Gea មកទិញ Courtios វិញ។ ដូច្នេះហើយ ក្រុម Real Madrid នឹងមិនកាប់បំពង់រង់ចាំ​ទឹកភ្លៀងទៀតឡើយ ដោយសម្រេចចិត្តទិញយក Thibaut Courtios ពីតោខៀវ Chelsea នៅរដូវកាលក្រោយនេះ។

ចែកចាយបន្ត