Post News Media ព័ត៌មានកីឡា Coutinho ទៅកា...

Coutinho ទៅកាន់ Anfield វិញ

ចែកចាយបន្ត

ខ្សែបម្រើប្រយុទ្ធប្រេស៊ីល និងជាសមាជិកថ្មីរបស់ក្រុម FC Barcelona កីឡាករ Philippe Coutinho នឹងធ្វើដំណើរទៅកាន់ Anfield ដែលជាអតីតទឹកដីចាស់របស់គេ កាលពីនៅហង្សក្រហម​ Liverpool ក្នុងខែមិថុនាខាងមុខនេះ។

បើតាមប្រភពចុះផ្សយរបស់ Liverpool Echo បានឲ្យដឹងថា Philippe Coutinho នឹងវិលមកកាន់​ទឹកដី Anfield វិញនៅខែមិថុនាខាងមុខនេះ។ ការវិលមកកាន់អតីតទឹកដីចាស់វិញនេះដែរ មិនមែនមានន័យថា Coutinho នឹងផ្លាស់មកកាន់ក្រុម​ហង្សក្រហម Liverpool វិញឡើយ ក៍ប៉ុន្តែ Coutinho នឹង​មកជាមួយក្រុមជម្រើសជាតិប្រេស៊ីល ដើម្បីធ្វើការប្រកួត​ត្រៀម World Cup ជាមួយក្រុមជម្រើសជាតិក្រូអាត។ តាមរយ:ការប្រកួតមិត្តភាពនេះដែរ នឹងធ្វើឲ្យ Coutinho មានឱកាសជាថ្មីម្តងទៀត ក្នុងការលេងនៅទឹកដីរបស់ Liverpool ក្នុងន័យបង្ហាញខ្លួនឲ្យអ្នកគាំទ្រជាច្រើនរបស់​គេ បានឃើញវត្តមាននៅ Anfield នេះ។

យ៉ាងណាវិញ នេះមិនទាន់សម្រេចជាផ្លូវការណ៍នៅឡើយទេ ខណ:សហព័ន្ធបាល់ទាត់ប្រេស៊ីល និងក្រូអាត សហការជា​មួយអង់គ្លេសកំពុងតែរៀបចំឲ្យមានការដំណើរការប្រកួតមិត្តភាពរវាងប្រេស៊ីល និងក្រូអាត នៅ Anfield នេះ មុនព្រឹត្តការណ៍ World Cup មកដល់។

ចែកចាយបន្ត