បន្ទាប់ពីជួយព័រទុយហ្គាល់លើកពាន Euro 2016 កីឡាករ Cristiano Ronaldo ត្រូវបានប្រជាជនព័រទុយហ្គាល់កោតសរសើរជាខ្លាំង។ ខណៈដែលនៅទីក្រុង Madeira ស្រុកកំណើតរបស់គេវិញ បានដូរឈ្មោះព្រលានយន្ដហោះនៅទីនោះ ដាក់ជាព្រលានយន្ដហោះ Cristiano Ronaldo AirPort ថែមទៀតផង។

លោក Miquel Albuquerque ប្រធានាធិបតីនៃទីក្រុង Madeira បានចេញមកអះអាងថារឿងនេះគឺជារឿងពិតមែន ដោយលោកបានផ្លាស់ប្ដូរឈ្មោះព្រលានយន្ដហោះនេះ ដើម្បីជាការថ្លែងអំណរគុណដល់ Ronaldo ដែលបានជួយប្រទេសជាតិ បង្កើតជាប្រវត្តិសាស្ត្រថ្មីមួយ។មិនត្រឹមតែព្រលានយន្ដហោះមួយនេះទេ ដែលត្រូវប្ដូរឈ្មោះនេះ សូម្បីតែសណ្ឋាគារមួយនៅទីក្រុង Madeira ក៏ត្រូវបានប្ដូរឈ្មោះដែរ ដោយដាក់ជា Hotel Pestana CR7 ដើម្បីជាការចង់ចាំមួយផងដែរ៕