Post News Media ព័ត៌មានកីឡា លទ្ធផលល្ងាចនេ...

លទ្ធផលល្ងាចនេះបែបណាក៏ដោយ សង្ឃឹមថាអ្នកគាំទ្រកម្ពុជានឹងទទួលយក!

ចែកចាយបន្ត

សល់តែប្រមាណ១០ម៉ោងទៀតប៉ុណ្ណោះ កម្ពុជា នឹងទទួលភ្ញៀវ ស្រីលង្ការ ក្នុងជំនួបមិត្តភាពចុងក្រោយ មុនប្រកួតជម្រុះ AFF Suzuki Cup នាសប្តាហ៍ក្រោយ។

ក្រុមគោព្រៃ ទំនងមានសម្ពាធបន្តិច ដោយសារ២ប្រកួតចុងក្រោយ មិនស្គាល់ពាក្យថាឈ្នះ។ ក្នុងតារាងចំណាត់ថ្នាក់ពិភពលោក កម្ពុជា នៅលើស្រីលង្ការដល់ទៅ២០លេខឯណោះ តែយ៉ាងណាក្តីលទ្ធផលល្ងាចនេះ នៅតែមិនអាចស្មានទុកបាន។

cambodia-vs-hong-kong-06-10-16_sport-1

ជាទស្សន:អ្នកនិពន្ធ ទោះបីជាយ៉ាងណាសូមឲ្យអ្នកគាំទ្រកម្ពុជាអត់ធ្មត់ហើយរង់ចាំមើលបន្តទៀត។ ប្រកួតនេះ គ្រាន់តែសមជើងប៉ុណ្ណោះ ហើយបើស្តាប់តាមសម្តីគ្រូលី គាត់ពិតជាមិនចង់ឲ្យដៃគូដឹងពីសមាភាពក្រុមខ្លួនឡើយ។

តួរយ៉ាងកាលប្រកួតជាមួយ ហុងកុង គាត់បានទុកជើងខ្សែប្រយុទ្ធសំខាន់ម្នាក់មិនឲ្យលេង។ កត្តានេះ អាចថាល្អក៏បាន អាក្រក់ក៏បាន ប៉ុន្តែយុទ្ធសាស្ត្ររបស់គាត់ គឺមិនចង់ឲ្យដៃគូស្មានពីគុណភាពកីឡករម្នាក់ៗបាន។

ជាឧទាហរណ៍ដ៏លំបាកមួយគឺ លោក ឆាំង ពិសិដ្ឋ អ្នកចាត់ការទូទៅក្រុមជម្រើសជាតិ បានស្កាត់ទៅសិង្ហបុរី និងមកវិញទាំងយប់ ដើម្បីទៅមើលទម្រង់លេងរបស់ព្រុយណេ។ ចំណុចនេះ ក៏លំបាកខ្លះដែរ ត្បិតយើងពុំមានពត៌មានដៃគូគ្រប់គ្រាន់ ទាំងបេក្ខភាព Suzuki Cup និងស្រីលង្ការដែលជួបគ្នាល្ងាចនេះ។

ដូចនេះ សង្ឃឹមថាគ្រប់គ្នានឹងបើកចិត្តទទួលយក ទោះលទ្ធផលយ៉ាងណាក៏ដោយ។ អ្វីដែលយើងផ្តោតគឺ មិនមែនដាច់ខាតត្រូវតែឈ្នះល្ងាចនេះទេ គឺ ឆ្លងវគ្គជម្រុះ Suzuki Cup នៅសប្តាហ៍ក្រោយ។