Post News Media ព័ត៌មានកីឡា ព្រុយណេ យកខ្ស...

ព្រុយណេ យកខ្សែបម្រើ Leicester ម្នាក់ជួយក្រុមប្រជែងវគ្គជម្រុះ Suzuki Cup នៅកម្ពុជា

ចែកចាយបន្ត

ក្រុមជម្រើសជាតិព្រុយណេ បាននាំយកខ្សែបម្រើ Faiq Jefri Bolkiah ដែលកំពុងលេងឲ្យក្រុមជើងឯកលីគកំពូលអង់គ្លេស Leicester City មកជួយក្រុម ដើម្បីដណ្តើមកៅអីវគ្គជម្រុះ AFF Suzuki Cup នៅកម្ពុជា សប្តាហ៍ក្រោយ។

Faiq ជាអតីតខ្សែប្រយុទ្ធក្នុងឈុតយុវជនថ្នាលរបស់ Chelsea និងប្តូរមកលេងឲ្យក្រុម Leicester នាពេលបច្ចុប្បន្ន បានមកហ្វឹកហាត់ជាមួយក្រុមជម្រើសជាតិក្នុងសប្តាហ៍នេះ មុនចាកចេញមកកម្ពុជា។

faiq-jefri-bolkiah

កីឡាករវ័យក្មេងរូបនេះបានបញ្ចេញអារម្មណ៍ផ្ទាល់ខ្លួនថា « ខ្ញុំនឹងលេងនៅតំបន់បម្រើ ដើម្បីគាំទ្រខ្សែប្រយុទ្ធរបស់យើង ហើយខ្ញុំនឹងដើរតួរជាកីឡាករសំខាន់ក្នុងការនាំជម្រើសជាតិរបស់យើងឆ្លងវគ្គជម្រុះនេះ។»។

ជម្រើសជាតិព្រុយណេ នឹងមកដល់កម្ពុជាល្ងាចនេះ ខណ:ជំនួបដំបូងរបស់ពួកគេនឹងប្រឈមតទល់ ទីម័រខាងកើត នាថ្ងៃទី១៥ ខែតុលា ខាងមុខ។