Post News Media ព័ត៌មានកីឡា Maradona ​ប្រ...

Maradona ​ប្រាប់​ឈ្មោះ​អ្នក​ចាត់ការ​ម្នាក់​ដែល​ខ្លួន​ពេញ​ចិត្ត​បំផុត

ចែកចាយបន្ត

Diego Maradona បានប្រាប់ឈ្មោះអ្នកចាត់ការម្នាក់ដែលខ្លួនពេញចិត្តខ្លាំងបំផុតក្នុងវិស័យបាល់ទាត់បច្ចុប្បន្ននេះគឺលោក Jurgen Klopp កំពុងដឹកនាំក្រុម Liverpool នៅអង់គ្លេស។

Maradona អតីតកីឡាករល្បីឈ្មោះម្នាក់ក្នុងពិភពបាល់ទាត់នោះ បាននិយាយថាបច្ចុប្បន្នមានអ្នកចាត់ការល្អៗជាច្រើន កំពុងតែដឹកនាំក្រុមធំៗហើយប្រជែងសមត្ថភាពគ្នាសម្បើមណាស់។ យ៉ាងណាមិញ វិរបុរសរបស់អាហ្សង់ទីនរូបនេះមានតែអ្នកចាត់ការម្នាក់គត់ដែលខ្លួនពេញចិត្ត និងស្រលាញ់ការដឹកនាំរបស់គេខ្លាំងណាស់។ ដោយម្នាក់នោះគឺលោក Jurgen Klopp ដែលកំពុងដឹកនាំក្រុមហង្សក្រហម Liverpool ឱ្យមានទម្រង់លេងល្អនាពេលបច្ចុប្បន្ននេះ។

gettyimages-611732400

បុរសវ័យ៥៥ឆ្នាំខាងលើបាននិយាយដូច្នេះថា: “ខ្ញុំពេញចិត្តការដឹកនាំអីចឹង វាពិតជាធ្វើឱ្យខ្ញុំមានទំនុកចិត្តណាស់។ ពីមុនមកគាត់ដឹកនាំ Dortmund ហើយបច្ចុប្បន្នដឹកនាំ Liverpool សមត្ថភាពរបស់គាត់នៅតែដូចដើម។ គាត់ពិតជាធ្វើបានល្អខ្លាំងណាស់ ដែលអាចដឹកនាំក្រុមនិងកែទម្រង់លេងក្រុមទាំងមូលបាន”។

Maradona បានបញ្ជាក់បន្ថែមថាក្រៅពី Klopp នេះទៅ អ្នកចាត់ការម្នាក់ទៀតដែលខ្លួនពេញចិត្តដែរនោះ គឺលោកDiego Simeone កំពុងដឹកនាំក្រុម Atletico Madrid នៅប្រទេសអេស្ប៉ាញ៕