Post News Media ព័ត៌មានកីឡា គ្រូឡាវ ថាភ្ល...

គ្រូឡាវ ថាភ្លាត់ចាញ់កម្ពុជាយប់មិញ ដោយសារកូនក្រុមប្រហែសនៅដើមនិងចុងម៉ោង​

ចែកចាយបន្ត

លោក Valakone Phomphady គ្រូបង្វឹកក្រុមបាល់ទាត់ជម្រើសជាតិឡាវ បង្ហើបថាមូលហេតុចម្បងដែលកូនក្រុមខ្លួនភ្លាត់ចាញ់ម្ចាស់ផ្ទះកម្ពុជា ២ – ១ យប់មិញ ដោយសារពួកគេបាត់បង់ទំនុកចិត្ត និងប្រហែសនៅដើមនិងចុងម៉ោងប្រកួត។

គ្រូបង្វឹកវ័យកណ្តាលរូបនេះរៀបរាប់ថា លោកតែងរំលឹកកូនក្រុមឲ្យយកចិត្តទុកដាក់នៅពេលការប្រកួតចាប់ផ្តើម និងជិតបញ្ចប់ ព្រោះវាជាពេលដែលអាចមានការស៊ុតបញ្ចូលទីច្រើន។ ប៉ុន្តែយប់មិញកូនក្រុមលោក ហាក់ខ្វះចន្លោះក្នុងស្ថានការណ៍បែបនេះ។

cam-vs-lao-aff-suzuki-cup-6

« ថ្ងៃនេះកូនក្រុមខ្ញុំធ្វើបានល្អ ប៉ុន្តែអ្វីដែលមិនគួរឲ្យកើតនោះ គឺមិនសូវយកចិត្តទុកដាក់នៅដើមនិងចុងម៉ោង ដែលឲ្យក្រុមម្ចាស់ផ្ទះអាចរកគ្រាប់បាន។ ខ្ញុំតែងតែប្រាប់ពួកគេថា ១០នាទីដំបូង និង១០នាទីចុងក្រោយ ត្រូវតែស៊ុតគេឲ្យបានមុន និងកាពារឲ្យច្រើន បើមិនដូច្នោះយើងមិនអាចឈ្នះបានទេ។» សម្តីគ្រូឡាវ។

cam-vs-lao-aff-suzuki-cup-4

បន្ថែមលើនេះ គ្រូបង្វឹកដដែលក៏បានសាទរក្រុមកម្ពុជា និងផ្តល់ទំនុកចិត្តថាក្រុមគោព្រៃនឹងងាចឡើងទៅកាន់វគ្គចែកពូល ត្បិតទីម័រ និង ព្រុយណេ នៅកម្រិតក្រោមក្រុមទាំងពីរនៅឡើយ។

ក្នុងតារាងចំណាត់ថ្នាក់បច្ចុប្បន្ន ព្រុយណេ នៅកំពូលតារាង មាន៣ពិន្ទុ ស្មើក្រុមលេខ២កម្ពុជា។ ចំណែក ឡាវ និង ទីម័រ ពុំទាន់មានពិន្ទុឡើយ នៅបាតតារាង។

 

 

 

ចែកចាយបន្ត