Post News Media ព័ត៌មានកីឡា Costa ចង់ដូរច...

Costa ចង់ដូរចេញ តែ Conte មិនឱ្យចេញ ក្នុងជ័យជម្នះ ៣-០ លើ Leicester City

ចែកចាយបន្ត

អ្នកចាត់ការ Antonio Conte បានប្រកែកដាច់ខាតមិនព្រមឱ្យ Diego Costa ដូរចេញទេ បើទោះជាសាមីខ្លួនចង់ប្ដូរចេញ ដើម្បីជៀសវាងការទទួលបានកាត ខ្លាចមិនបានលេងប្រកួតក្រោយក៏ដោយ។

Costa ក្នុងការប្រកួតយប់មិញនេះ គឺរូបគេលេងទាំងមានកាតលឿងជាប់ខ្លួនដល់ទៅ៤កាតទៅហើយ តាំងពីបើករដូវកាលមក ដែលនេះមានន័យថាប្រសិនបើរូបគេទទួលការពិន័យអ្វីមួយទៀតនោះ គឺច្បាស់ណាស់ថាមិនអាចចូលលេងបានទេ ក្នុងប្រកួតជាមួយ Man Utd នៅថ្ងៃទី២៣ខាងមុខ។

costa1

ហេតុដូច្នេះហើយ អំឡុងពេលក្រុម Chelsea នាំមុខ Leicester City ៣-០ ហើយនោះ រូបគេបានបង្ហាញកាយវិការសុំអ្នកចាត់ការ Conte ប្ដូររូបគេចេញ ដើម្បីជៀសវាងលេងបន្ដទៀត អាចបង្កកំហុសទទួលការពិន័យបាន។ យ៉ាងណាក្ដី អ្នកចាត់ការសញ្ជាតិអ៊ីតាលីរូបនេះ មិនព្រមផ្លាស់ប្ដូរខ្សែប្រយុទ្ធរូបនេះចេញទេ ដោយរូបលោកអះអាងថាចង់លេងប្រយុទ្ធមិនទប់ រហូតដល់ចប់ការប្រកួតតែម្ដង។

៣គ្រាប់របស់ក្រុម Chelsea យកឈ្នះលើ Leicester City នេះ រកបានដោយ Diego Costa នៅនាទី៧ ខ្សែបម្រើប្រយុទ្ធ Eden Hazard នាទី៣៣និង១គ្រាប់ចុងក្រោយ Victor Moses នាទី៨០៕

costa2