Post News Media ព័ត៌មានកីឡា Maitee Hatsad...

Maitee Hatsady ខ្សែបម្រើកំពុងលេចធ្លោរបស់ឡាវ ប្រចាំវគ្គជម្រុះ AFF Suzuki Cup

ចែកចាយបន្ត

ថ្វីបើមិនអាចជួយក្រុមដណ្តើមជ័យជម្នះកាលពីជំនួបបើកឆាកតទល់កម្ពុជា ប៉ុន្តែខ្សែបម្រើឆ្នើមរបស់ឡាវ Maitee Hatsady បានបង្ហាញទម្រង់លេងយ៉ាងល្អ តាមរយ:ការប្រើល្បឿនអូសបាល់ពីចម្ងាយ និងបង្កើតឱកាសជាច្រើនឲ្យមិត្តរួមក្រុម។

ខាងក្រោមនេះជាប្រវត្តិខ្លះៗរបស់គេ:

Maitee កើតនៅថ្ងៃទី១០ ខែមិថុនា ឆ្នាំ១៩៩៨ (គិតមកទល់បច្ចុប្បន្នមានអាយុត្រឹមតែ១៨ឆ្នាំប៉ុណ្ណោះ )។ រូបគេធ្លាប់ជាប់ជម្រើសជាតិ U16 ឡាវ កាលពីឆ្នាំ២០១៤ ដើម្បីទៅលេងពាន AFF U16 Championship។ ឆ្នាំ២០១៥ គេបានចូលលេងឲ្យក្លឹប Lao Police FC នឹងបានជួយ ក្រុមនេះ ដណ្តើមបានចំណាត់ថ្នាក់ទី៤ ប្រចាំលីគកំពូលឡាវ។ ឈានដល់ឆ្នាំ២០១៦នេះ គេបានផ្លាស់មកក្លឹប Lao Toyota ហើយក្លាយជាកីឡាករសំខាន់ម្នាក់ដែលជួយឲ្យក្រុម ទទួលតំណែងជើងឯករង Lao Premiere League។

lao_maitee_sport-3

ព្រិត្តិការណ៍ AFF U19 Championship នៅវៀតណាម កាលពី២ខែមុន Maittee ក៏បានលេងឲ្យជម្រើសជាតិឡាវដែរ ហើយរកបាន៤គ្រាប់ ក្នុងនោះស៊ុតមីយ៉ាន់ម៉ាបាន៣គ្រាប់ និងពិសេសគេបានស៊ុតបាល់ Free Kick ចូលទីថៃពីចម្ងាយយ៉ាងអស្ចារ្យ។

ក្រោយមកថ្មីៗនេះ គេត្រូវបានកោះហៅចូលជម្រើសជាតិក្រុមធំ និងបង្ហញខ្លួនលើកដំបូងក្នុងជំនួបមិត្តភាពរវាង ឡាវ និង ណេប៉ាល់។ ៣ប្រកួតចុងក្រោយនេះ គេតែងជាប់ជម្រើស១១នាក់ដំបូងជានិច្ច។

lao_maitee_sport-2