Post News Media ព័ត៌មានកីឡា Bravo ​ថា​មាន...

Bravo ​ថា​មាន​តែ Barcelona ​មួយ​គត់ ដែល​អាច​ប្រជែង​ Man City ​បាន​នៅ Champions League ​

ចែកចាយបន្ត

អ្នក​ចាំ​ទី Claudio Bravo ​បាន​បង្ហាញ​អារម្មណ៍​របស់​ខ្លួន​ថា​នៅ​ពាន​រង្វាន់ UEFA Champions League ​រដូវ​កាល​នេះ ​ក្រុម​ដែល​ក្លឹប Manchester City ​បារម្ភ​ជាង​គេ​មាន​តែ Barcelona ​មួយ​គត់។

ការ​ប្រកួត​ពាន​រង្វាន់​ធំ​បំផុត​នៅ​អឺរ៉ុប UEFA Champions League ​នឹង​ចាប់​ផ្ដើម​ប្រកួត​វគ្គ​សន្សំ​ពិន្ទុ​របស់​ខ្លួន​ទៀត​ហើយ​នៅ​ពាក់​កណ្ដាល​សប្ដាហ៍​នេះ។ ដោយ​ក្រុម Barcelona ​របស់​អេស្ប៉ាញ​នឹង​ត្រូវ​ប្រជែង​ជាមួយ​ក្រុម Manchester City ​របស់​អង់គ្លេស គឺ​ជា​គូ​ពិសេស​ជាង​គេ​ប្រចាំ​សប្ដាហ៍។

មុន​ទៅ​ប៉ះ​ក្រុម​ចាស់​របស់​ខ្លួន Bravo ​អ្នក​ចាំ​ទី​ដែល​ Manchester City ​ទើប​ទិញ​ពី Barca ​មក​នោះ​បាន​និយាយ​ថា​នា​ពេល​បច្ចុប្បន្ន​នេះ​ក្រុម​លេង​នៅ Champions League ​ទាំង​អស់​សុទ្ធ​តែ​ខ្លាំង ប៉ុន្តែ​បើ​និយាយ​ឱ្យ​ត្រង់​ទៅ​មាន​តែ​ក្លឹប​មួយ​ទេ មាន​សមត្ថភាព​គ្រប់​គ្រាន់​ប្រជែង​ជាមួយ Man City។ Barcelona ​ខ្លាំង​ទាំង​ព្រម ខណ:​ដែល​ពួកគេ​ក៏​មាន​ខ្សែប្រយុទ្ធ​កំពូល​ៗ​ទៀត ពិត​ជា​អាច​ធ្វើ​ឱ្យ​ក្រុម​មាឃ​ខៀវ​ពិបាក​ខ្លាំង​ណាស់។

យ៉ាងណា​ក្ដី ទោះ​ជា​ខ្លួន​ធ្លាប់​លេង​ឱ្យ Barcelona ​មែន ប៉ុន្តែ​ខ្លួន​មិន​មាន​ចិត្ត​លំអៀង​ទៅ​ខាង​នោះ​ឡើយ ពោល​គឺ Bravo ​គិត​តែ​រក្សា​សំណាញ់​ទី​ឱ្យ​ក្រុម Man City ​កុំ​ឱ្យ​គេ​ស៊ុត​ចូល​ប៉ុណ្ណោះ។ ដូច្នេះ​ហើយ អ្នក​ចាំ​ទី​ជម្រើស​ជាតិ​ឈីលី​រូប​នេះ សូម​ផ្ដាំ​ទៅ​អ្នក​គាំទ្រ​ទាំង​អស់ កុំ​បារម្ភ​ឱ្យ​សោះ៕