រឿងចាស់! ភស្ត...

រឿងចាស់! ភស្តុតាងបញ្ជាក់ថា Ronaldo គួរតែស៊ុតបាន៤គ្រាប់ទល់ AT Madrid

ចែកចាយបន្ត

Cristiano Ronaldo ពិតជាធ្វើបានល្អមែនទែនក្នុងការប្រកួតទល់នឹងក្រុម Atletico Madrid កាលពីចុងសប្ដាហ៍កន្លងទៅនេះ ពោលគឺរូបគេរកបាន៣គ្រាប់ម្នាក់ឯងក្នុងការប្រកួតដែល Real Madrid ឈ្នះ Atletico Madrid ៣-០។

យ៉ាងណាមិញ បើក្រឡេកទៅមើលការប្រកួតនោះវិញ ខ្សែប្រយុទ្ធ Ronaldo អាចនឹងរកបានដល់ទៅ៤គ្រាប់ឯណោះ ប្រសិនបើគ្រាប់ដំបូងរបស់គេ ត្រូវលោកអាជ្ញាកណ្ដាលឱ្យ ប៉ុន្តែគួរឱ្យសោកស្ដាយ១គ្រាប់នោះ មិនទទួលបាននោះទេ។ ១គ្រាប់នោះ កើតឡើងនៅនាទីទី១២នៃការប្រកួតដើមតង់ទី១ ក្រោយពេល Marcelo ជាអ្នកកាត់បាល់ចោល ហើយ Ronaldo ផ្ទាល់ជាអ្នកតែត។

ត្រង់ចំណុចនេះ ប្រសិនបើមើលឱ្យច្បាស់ទៅគឺបាល់បានចូលផុតគំនូសសទៅហើយទើបអ្នកចាំទី Jan Oblak ទៅទះបាល់ចេញ ខណៈដែលលោកអាជ្ញាកណ្ដាលក៏មិនបានឃើញ ហើយក៏មិនឱ្យគ្រាប់នោះចូលទៅ។

ការបកស្រាយនេះ គឺកើតចេញទៅតាមការថតបានយ៉ាងច្បាស់ពីកាំមើរ៉ាផ្ទាល់ ខណៈដែលសាមីខ្លួន Ronaldo ក៏បានព្យាយាមទាមទារពីអាជ្ញាកណ្ដាលដែរ ប៉ុន្តែមិនបានសម្រេច។

សូមបញ្ជាក់ថាការរកបាន៣គ្រាប់ក្នុងប្រកួតនោះ បានធ្វើឱ្យ Ronaldo រកបាន៣៧៥គ្រាប់ហើយឱ្យក្រុម Real Madrid ហើយក៏បានជាប់ឈ្មោះជាកីឡាករធ្វើបាន Hat-trick ច្រើនជាងគេ៣២ដងផងដែរ៕

ចែកចាយបន្ត