Monday, ទី19 August, ឆ្នាំ2013 00:10 am
ក្រុមអ្នកវិទ្យាសាស្ត្រនៃទីក្រុងប៉ារីសប្រទេសបារាំងបានធ្វើការបង្ហាញភស្តុតាងថ្មីមួយដែលបកស្រាយពីកង្វះនៃការគេងរបស់មនុស្សជាកត្តាជម្រុញឲ្យមានការផ្លាស់ប្តូរប្រព័ន្ធខួរក្បាលនិងអាចធ្វើឲ្យក្រពះចាប់ផ្តើមធ្វើការជាងមុនហើយឆាប់ឃ្លានចំណីអាហារជាងធម្មតាផងដែរ។
ជាយូរមកហើយក្រុមអ្នកស្រាវជ្រាវធ្លាប់បានចង្អុលបង្ហាញពីទំនាក់ទំនងរវាងរយៈពេលនៃការគេងរបស់មនុស្សនៅក្នុងយុគសម័យថ្មជាមួយនឹងការឡើងទម្ងន់បើទោះបីជាគេមិនអាចប្រើប្រាស់ការបកស្រាយតាមរយៈមេកានិចក៏ដោយរហូតទើបមកដល់ពេលនេះ។
ក្រុមអ្នកស្រាវជ្រាវដែលមកពីសាកលវិទ្យាល័យកាលីហ្វ័រញ៉ាក៏ធ្លាប់បាននិយាយថាសកម្មភាពរបស់ខួរក្បាលមនុស្សពិតជាមានការប្រែប្រួលក្រោយការធ្វើតេស្តសាកល្បងនៃការបង្អត់ការគេង។យោងតាមអ្នកចូលរួមធ្វើតេស្ត២៣នាក់ដែលត្រូវបានស្កេនក្បាលពីរដងមួយនៅក្រោយការគេងលក់ពេញមួយយប់និងមួយទៀតក្រោយការគេងមិនគ្រប់គ្រាន់។ការស្ទាបស្ទង់ត្រូវបានធ្វើនៅថ្ងៃបន្ទាប់ដោយប្រើប្រាស់មុខម្ហូប៨០មុខផ្សេងគ្នាឲ្យពួកគេជ្រើសរើស។ការរកឃើញដ៏ឲ្យចាប់អារម្មណ៏បានបង្ហាញថាម្ហូបអាហារដែលមានជាតិកាឡូរីច្រើនក្លាយជាចំណាប់អារម្មណ៍ចំពោះក្រោយការគេងមិនគ្រប់គ្រាន់នៃក្រុមអ្នកធ្វើតេស្តទាំង២៣នាក់នោះ។
គួរបញ្ជាក់ថាតាមតួរលេខដែលមាននៅអង្គការសុខភាពពិភពលោកដែលមានមនុស្សក្មេងៗជាង១.៤ពាន់លាននាក់ដែលមានអាយុខ្ទង់២០ឆ្នាំដែលមានកម្រិតនៃការកើនឡើងទម្ងន់ខ្លាំងក្នុងឆ្នាំ២០០៨ហើយតូរលេខនេះបានគុណឡើងពីរដងចាប់ពីតាំងពីឆ្នាំ១៩៨០៕
