Post News Media ព័ត៌មានបច្ចេកវិទ្យា យន្តហោះ Faceb...

យន្តហោះ Facebook ឈ្មោះថា Aquila ជួបគ្រោះថ្នាក់ពេលចុះចត

ចែកចាយបន្ត

facebook-solar-drone-aquila

ក្រុមប្រឹក្សាភិបាលសុវត្ថិភាពដឹកជញ្ជូនជាតិ កំពុងស៊ើបអង្កេតគ្រោះថ្នាក់មួយ ដែលបានកើតឡើងក្នុងអំឡុងពេល ការហោះហើរសម្ពោធយន្តហោះគ្មានមនុស្សបើក ដើរដោយថាមពលពន្លឺព្រះអាទិត្យ របស់ Facebook ដែលមានគោលបំណងពាំនាំយកមកនូវអ៊ិនធឺណិត ដើម្បីធ្វើការទំនាក់ទំនងជុំវិញពិភពលោក។

យន្តហោះគ្មានមនុស្សបើកនេះ បានរងនូវ “ការបរាជ័យរចនាសម្ព័ន្ធ” ខណ:ពេលដែលវាកំពុងចុះចត នៅលើវាលខ្សាច់ Arizona ហើយបើយោងតាមការស៊ើបអង្កេត បានឲ្យដឹងថា គ្មាននរណាម្នាក់រងរបួស ក្នុងហេតុការណ៍នេះទេ។

ក្រុមហ៊ុននេះ បានឱ្យដឹងនៅក្នុងសេចក្តីថ្លែងការណ៍តាមរយ:សារអេឡិចត្រូនិចមួយថា យើងរីករាយជាមួយនឹង ការហោះហើរសាកល្បងជាលើកដំបូងបានទទួលជោគជ័យ និងអាចធ្វើការផ្ទៀងផ្ទាត់ទៅលើការហោះហើរ រួមទាំង សមាសភាគ អាគុយ ប្រព័ន្ធគ្រប់គ្រង និងការបណ្តុះបណ្តាលនាវិក ជាមួយនឹងលទ្ធផលដែលមិនអាចរំពឹងទុកមុន។

Facebook បានសរសើរភាពជោគជ័យនៃការហោះហើរសាកល្បង កាលពីថ្ងៃទី២៨ ខែមិថុនា បើទោះបីជាគេមិនបាននិយាយនៅក្នុងខែកក្កដាថា Aquila បានទទួលរងការបរាជ័យរចនាសម្ព័ន្ធ ខណ:ពេលចុះចតក៏ដោយ ក្នុងគ្រានោះលោក Mark Zuckerberg នាយកប្រតិបត្តិក្រុមហ៊ុន ក៏បានចូលរួមការហោះហើរសាកល្បងនេះដែរ។ នេះជាឧបសគ្គចុងក្រោយបំផុត សម្រាប់គោលដៅប្រកប ដោយមហិច្ឆតារបស់ Facebook ក្នុងការតភ្ជាប់មនុស្សរាប់ពាន់លាននាក់បន្ថែមទៀត នៅពាសពេញពិភពលោក មកកាន់ប្រព័ន្ធអ៊ីនធឺណិតរបស់ខ្លួន។

យន្តហោះ Aquila នឹងប្រើប្រាស់បច្ចេកវិទ្យាធ្នឹមឡាស៊ែរថ្មី ដើម្បីពាំនាំនូវអ៊ីនធឺណិតល្បឿនលឿន ដល់ប្រជាជន ក្នុងចម្ងាយ ៩៦គីឡូម៉ែតជុំវិញតំបន់ដែលវាកំពុងហោះហើរ។ Aquila នឹងបញ្ជូនរលកសញ្ញាទៅកាន់អង់តែននៃប៉មតូច រួចអង់តែននៃប៉មតូចនឹងបំលែងរលកសញ្ញា ទៅជាប្រព័ន្ធ Wi-Fi ឬបណ្តាញ 4G ៕