ជ​ប៉ុ​ន ​គ្រោ...

ជ​ប៉ុ​ន ​គ្រោ​ង​បង្កើត​កំព្យូទ័រ​លឿនជាងគេបំផុតក្នុងលោកដើម្បីស្តារមុខមាត់ប្រទេស

ចែកចាយបន្ត

ប្រទេសជប៉ុនគ្រោងនឹងបង្កើត​កំព្យូទ័រដែលគេស្គាល់ថាមានល្បឿនលឿនជាងគេបំផុតក្នុងលោកនៅក្នុងពិធីដេញថ្លៃមួយ ដើម្បីបំពាក់ឱ្យបណ្តារោងចក្រផ្សេងៗរបស់ប្រទេស ជាមួយគម្រោងការស្រាវជ្រាវមួយដែលអាចជួយដល់ពួកគេក្នុងការអភិវឌ្ឍន៍ និងធ្វើឱ្យប្រសើរឡើងនូវវិស័យរថយន្តស្វ័យបើកបរ មនុស្សយន្ត និងការវិនិច្ឆ័យផ្នែកវេជ្ជសាស្រ្តផ្សេងៗ។

ក្រសួងសេដ្ឋកិច្ច ពាណិជ្ចកម្ម និងឧស្សាហកម្មរបស់ប្រទេស នឹងចំណាយប្រាក់ ១៩,៥ ពាន់លានយ៉េន ឬស្មើនឹង ១៧៣ លានដុល្លារអាមេរិក បន្ថែមទៅលើគម្រោងការមុន ដែលវាឋិតនៅក្នុងផែនការនយោបាយមួយរបស់រដ្ឋាភិបាល ដើម្បីស្តារមុខមាត់របស់ប្រទេសជប៉ុននៅក្នុងបរិបទបច្ចេកវិជ្ជាពិភពលោក។

ប្រទេសដែលល្បីរន្ទឺក្នុងវិស័យឧស្សាហកម្មអេឡិចត្រូនិចមួយនេះ បានបាត់បង់ចំណែកទីផ្សារក្នុងវិស័យប​ច្ចេ​ក​វិ​ទ្យា​អេ​ឡិចត្រូនិចជាច្រើន ខណៈពេលការប្រកួតប្រជែងមានការកើនឡើងយ៉ាងពុះកញ្ជ្រោលពីសំណាក់ក្រុមហ៊ុនមកពីប្រទេសកូរ៉េខាងត្បូង និងចិន ដែលបច្ចុប្បន្ន កំពុងធ្វើជាប្រទេសម្ចាស់ផ្ទះនៃម៉ាស៊ីនដែលមានសមត្ថភាពខ្លាំងជាងគេបំផុតរបស់ពិភពលោក។
តាមរយៈប្រភពពីគម្រោងប្រាប់ទៅកាន់ទីភ្នាក់ងារព័ត៌មាន Reuters ក្រុមវិស្វករជប៉ុន នឹងធ្វើការសាងសង់ម៉ាស៊ីនកុំព្យូទ័រមហាកម្លាំងមួយដែលមានសមត្ថភាពដំណើរការការគណនាជាមួយល្បឿន ១៣០ quadrillion (ពានលានលានកោដ) ក្នុងមួយវិនាទី ហើយវាត្រូវបានគេរំពឹងថា នឹងធ្វើឱ្យជប៉ុនក្លាយជាប្រទេសដែលមានស៊ូពែរកុំព្យូទ័រឈរនៅលំដាប់កំពូលនាដើមឆ្នាំក្រោយ។
លោក Satoshi Sekiguchi នាយកគ្រប់គ្រងទូទៅនៃវិទ្យាស្ថានវិទ្យាសាស្រ្ត និងបច្ចេកវិជ្ជាឧស្សាហកម្មជាន់ខ្ពស់ជាតិ ជាទីកន្លែងសម្រាប់សាងសង់ស៊ូពែរកុំព្យូទ័រ បានថ្លែងថា៖ «រហូតមកទល់ពេលនេះ គេពុំទាន់ឃើញមានកុំព្យូទ័រមហាកម្លាំងណាដែលអាចប្រតិបត្តិក្នុងល្បឿនលឿនដូចនេះនៅឡើយទេ»
ibm_blue_gene_p_supercomputer-800x530-1
ប្រភពព័ត៌មាន៖ rueters

ចែកចាយបន្ត