គន្លឹះហៅទូរស័...

គន្លឹះហៅទូរស័ព្ទចេញដោយមិនខ្វល់ពីទីកន្លែងមាន ឬគ្មានសេវាក្រុមហ៊ុនទូរស័ព្ទចល័ត

ចែកចាយបន្ត

តើលោកអ្នកដែលកំពុងប្រើប្រាស់ទូរស័ព្ទ iPhone ធ្លាប់ដឹងដែរឬទេថា ទូរស័ព្ទដ៏ទំនើបមួយនេះ មានមុខងារហៅទូរស័ព្ទចេញដោយមិនចាំបាច់ត្រូវការសេវាពីក្រុមហ៊ុនទូរស័ព្ទចល័ត? តាមរយៈមុខងារ Wi-Fi Calling ដែលត្រូវបានក្រុមហ៊ុន Apple ដាក់បញ្ចូលរួចជាស្រេចក្នុងប្រព័ន្ធ iOS ចាប់ពីជំនាន់ទី ៩ ពិតជាអាចធ្វើការងារនេះបាន។
ជាមួយមុខងារពិសេសនេះ Post News សូមលើកយកពីគន្លឹះក្នុងការបើកដំណើរការ និងភ្ជាប់ការហៅទូរស័ព្ទចេញទៅកាន់ iOS Devices (iPhone, iPad, & iPod Touch) តាមរយៈមុខងារ Wi-Fi Calling មកបង្ហាញជូនប្រិយមិត្តឱ្យបានជ្រាបដូចតទៅ៖
iphone
តម្រូវការប្រើប្រាស់៖
– iPhone ចាប់ពីស៊េរី 5c ឡើង
– iPad ឬ iPod ដំណើរការលើ iOS 9 ឡើង
– ភ្ជាប់ជាមួយប្រព័ន្ធ Wi-Fi
១- របៀបបើកមុខងារ Wi-Fi Calling នៅលើ iPhone
សូមចូលទៅកាន់ Settings -> Phone -> Wi-Fi Calling រួចចុចបើកវា(អ្នកអាចត្រូវបានស្នើឱ្យបញ្ចូលអាសយដ្ឋានរបស់អ្នកសម្រាប់សេវាកម្មបន្ទាន់)
នៅពេលណាមុខងារ Wi-Fi Calling ដំណើរការ វានឹងបង្ហាញសញ្ញា Wi-Fi ឡើងក្បែរឈ្មោះប្រព័ន្ធទូរស័ព្ទ (ឧ. Cellcard, Smart) ពេលនោះ អ្នកអាចធ្វើការហៅចេញបានហើយ។
បញ្ជាក់៖ ពេលអ្នកបើកមុខងារ Wi-Fi Calling សេវាទូរស័ព្ទចល័តមិនដំណើរការនោះទេ។
wifi
២- របៀបហៅទៅកាន់ iPad ឬ iPod Touch
សូមបើកមុខងារ Wi-Fi Calling លើ iPhone របស់អ្នក
ចុចលើ Add Wi-Fi Calling to Other Devices
នៅលើ iPad ឬ iPod Touch ដែលអ្នកចង់ធ្វើការហៅចេញទៅកាន់ សូមធ្វើការចុះឈ្មោះក្នុងកម្មវិធី iCloud និង FaceTime ដោយប្រើគណនី Apple ID និង Password តែមួយ ជាមួយ iPhone របស់អ្នក
នៅលើ iPad ឬ iPod Touch ដដែល សូមចុចបើកមុខងារ Wi-Fi Calling
ចូលទៅកាន់ Settings -> FaceTime -> Calls from iPhone រួចចុចលើ Upgrade to Wi-Fi Calling
នៅពេលឃើញលេខកូដ ៦ ខ្ទង់បង្ហាញឡើង សូមវាយលេខនោះលើទូរស័ព្ទ iPhone របស់អ្នក
នៅលើ iPhone សូមបើកកម្មវិធី FaceTime
ចុចលើ Audio
បញ្ចូលលេខទំនាក់ទំនង ឬលេខទូរស័ព្ទ
ចុចលើសញ្ញាបញ្ជូន ជាការស្រេច៕
call
ប្រភពព័ត៌មាន៖ apple

ចែកចាយបន្ត