Post News Media ព័ត៌មានបច្ចេកវិទ្យា ក្រុមហ៊ុន GoP...

ក្រុមហ៊ុន GoPro កាត់បន្ថយបុគ្គលិកជាង ១,៧០០ នាក់ ដោយសារវិបត្តិសេដ្ឋកិច្ច

ចែកចាយបន្ត

bn-qz790_1130go_im_20161130072132

ក្រុមហ៊ុន GoPro នឹងកាត់បន្ថយកម្លាំងពលកម្ម ១៥ ភាគរយ ដោយមានបំណងចង់ឲ្យទម្រង់អាជីវកម្មខ្លួនរីកចម្រើនទ្បើង បន្ទាប់ពីសកម្មភាពបរាជ័យរបស់ក្រុមហ៊ុនកន្លងទៅ។

ក្រុមហ៊ុននេះ កាលពីថ្ងៃពុធបានប្រកាសឲ្យដឹង នូវសកម្មភាពមួយចំនួន ដើម្បីឈានទៅដល់ការចំណេញ រួមបញ្ចូលដោយការបន្ថយបុគ្គលិកប្រមាណ ១,៧០០ នាក់ ក្នុងនោះក្រុមហ៊ុនក៏បានបញ្ជាក់ដែរថា ប្រធានក្រុមហ៊ុនរបស់ខ្លួន គឺលោក Tony Bates នឹងចាកចេញពីក្រុមហ៊ុន។

ក្រុមហ៊ុន GoPro បានឲ្យដឹងទៀតថា ដំណើរការសារជាថ្មីរបស់ក្រុមហ៊ុន ក្នុងឆ្នាំ ២០១៧ នឹងត្រូវកែសម្រួលដោយការកាត់បន្ថយការចំណាយប្រតិបត្តិការរហូតដល់ ៦៥០ លានដុល្លារ ដែលកាលពីឆ្នាំ ២០១៦ ក្នុងរយ:ពេលបីត្រីមាសដំបូង ក្រុមហ៊ុនបានកាត់ចោលចំណាយប្រតិបត្តិការចំនួន ៥៩៦ លានដុល្លារ។

មកទល់ពេលនេះ ក្រុមហ៊ុន GoPro ត្រូវបានគេរំពឹងទុកថា នឹងធ្វើសេចក្តីរាយការណ៍អំពីលទ្ធផលរបស់ខ្លួននៅដើមខែកុម្ភ: ឆ្នាំក្រោយ៕