ជឿឬមិនជឿ! Fer...

ជឿឬមិនជឿ! Ferrari 250 GTO មួយគ្រឿងនេះ ថ្លៃជាង Lamborghini ជាង ១០ ដង

43
ចែកចាយបន្ត

ferrari_250_gto_might_break_the

លោកអ្នកប្រហែលជាគិតថា កំពូលរថយន្តប្រណិត Lamborghini ឬក៏ Roll-Royce តម្លៃវាល់លានដុល្លារ គឺជារថយន្តដែលថ្លៃជាងគេបំផុតក្នុងលោក។ ប៉ុន្តែធាតុពិតរថយន្ តដែលថ្លៃជាងគេនោះគឺ Ferrari 250 GTO ដែលកំពុងត្រូវបានគេដាក់លក់ក្នុងតម្លៃរហូតដល់ទៅ ៥៦ លានដុល្លារអាមេរិក។ រថយន្តប្រណាំងផលិតឆ្នាំ ១៩៦២ មួយគ្រឿងនេះ គឺជារថយន្តទី ២ ក្នុងចំណោមរថយន្ត ៣៩ គ្រឿង ដែលត្រូវបានផលិតឡើងក្នុងឆ្នាំ ១៩៦២ ដល់ ១៩៦៤។ វាគឺជារថយន្តដំបូងគេដែលបានចូលរួមក្នុងព្រឹត្តិការណ៍ប្រណាំងរថយន្ត ១២ ម៉ោង Sebring ឆ្នាំ ១៩៦២ ហើយបច្ចុប្បន្ន កំពុងត្រូវបានដាក់លក់នៅលើទីផ្សារដោយក្រុមហ៊ុន Talacrest មានមូលដ្ឋាននៅប្រទេសអង់គ្លេស។

Ferrari 250 GTO គឺជារថយន្តដ៏ស្រស់ស្អាតមួយ ដែលបានឆ្លងកាត់ការប្រណាំងយ៉ាងស្វិតស្វាញ ក្នុងប្រវត្តិសាស្រ្ត និងដែលបានទៅដល់ទីមុនដំបូងគេក្នុងព្រឹត្តិការណ៍ប្រណាំង Sebring។ នេះបើយោងតាមការថ្លែងឱ្យដឹងពីលោក Jonh Collins មកពីក្រុមហ៊ុន Talacrest ប្រាប់ Telegraph។

x4-4-1024x768

ជាមួយតម្លៃ ៥៦ លានដុល្លារអាមេរិក វាគឺពិតជាតម្លៃមួយដ៏សែនខ្ពស់ហួសនិស្ស័យ ប៉ុន្តែជាមួយចំនួនដ៏តិចតួច និងតម្រូវការដ៏ខ្លាំងក្លា វានឹងអាចរកឃើញអ្នកទិញបានក្នុងរយៈពេលឆាប់ៗខាងមុខ។ លោក Collins បន្ថែមថា៖ «លោកមានបទពិសោធន៍ ក្នុងការលក់រថយន្ត សម្រាប់អ្នកដែលមិនគិតពីតម្លៃ ហើយ 250 GTO នេះ នឹងត្រូវបានគេទិញដើម្បីយកទៅអបអរសាទរក្នុងពិធីគម្របខួប ៧០ ឆ្នាំរបស់ក្រុមហ៊ុន Ferrari នៅឆ្នាំក្រោយ។» ប្រសិនបើដូច្នេះមែន រថយន្តដ៏ចំណាស់នេះនឹងក្លាយជារថយន្តដែលថ្លៃជាងគេបំផុតក្នុងប្រវត្តិសាស្រ្តរបស់ពិភពលោក៕
ប្រភពព័ត៌មាន៖ telegraph

12741884_a-clean-classic-1962-ferrari-250-gto_c0ba9b00_m

ចែកចាយបន្ត