អ្នកប្រើ iPho...

អ្នកប្រើ iPhone ខ្លះអត់ស្គាល់ FaceTime ផង សូមស្វែងយល់ទាំងអស់គ្នាឥឡូវនេះ!

ចែកចាយបន្ត

facetime-app-the-ultimate-guide

FaceTime គឺជាកម្មវិធីផ្តល់សេវាហៅទូរស័ព្ទជាសម្លេង ឬវីដេអូ ដោយប្រើប្រាស់ប្រព័ន្ធអ៊ិនធឺណិត។ ប្រិយមិត្តមួយចំនួនប្រហែលជាធ្លាប់ ឬកំពុងប្រើប្រាស់កម្មវិធីហៅទូរស័ព្ទជាសម្លេង ឬវីដេអូ តាមបណ្តាញអ៊ិនធឺណិតមួយចំនួនដូចជាកម្មវិធី Messenger, Line, Tango, Viber ឬ WhatsApp ហើយក៏មិនដឹង។ ប៉ុន្តែសម្រាប់កម្មវិធី FaceTime ជាកម្មវិធីដែលសម្រិតសម្រាំងឡើងដោយផ្ទាល់ពីក្រុមហ៊ុន Apple គួរបញ្ជាក់ថា វាគាំទ្រដោយប្រព័ន្ធប្រតិបត្តិការ iOS ហើយនិងមានទំនុកចិត្តខ្ពស់ផងដែរ។ ចំណុចល្អរបស់ Facetime មានដូចជា៖ ការហៅទូរស័ព្ទចេញបានរហ័សជាងគេ វីដេអូមានកម្រិតភាពច្បាស់ជាងគេ និងអាចប្រែពីការហៅទូរស័ព្ទតាមប្រព័ន្ធស៊ីមទូរស័ព្ទធម្មតាមកតាមការហៅតាម Facetime ក៏បាន។

ចូរសិក្សាពីកម្មវិធីនេះ ដែលវាប្រើប្រាស់ត្រឹមតែអ៊ិនធឺណិត Wi-Fi ឬសេវាអ៊ិនធឺណិតលើបណ្តាញទូរស័ព្ទក៏អាចហៅចេញទៅកាន់មនុស្សម្នាក់ផ្សេងភ្លាម ប្រសិនបើប្រិយមិត្តមួយចំនួន មិនចង់ចំណាយលុយលើប្រព័ន្ធទូរស័ព្ទ ឬក៏ចង់ហៅទូរស័ព្ទជាវីដេអូឆ្លើយឆ្លងទៅកាន់មិត្តជិតស្និទ្ធ។ អ្នកអាចធ្វើការជាមួយកម្មវិធី FaceTime បានសម្រាប់តែនៅលើ iPhone, iPad, iPod touch ឬ Mac តែប៉ុណ្ណោះ នឹងអាចហៅទូរស័ព្ទចេញបានទៅកាន់នរណាម្នាក់ដែលប្រើប្រាស់ឧបករណ៍ដែលបានបញ្ជាក់ប្រាប់ដូចគ្នា។ ទាំងនេះជាភាពអស្ចារ្យរបស់កម្មវិធី FaceTime វាផ្តល់ភាពងាយស្រួលដល់ពួកយើង ក្នុងការទំនាក់ទំនងជាមួយគ្រួសារ ផលិតផលក្រុមហ៊ុន Apple។

របៀបហៅទូរស័ព្ទចេញជាសម្លេង ឬវីដេអូតាមរយៈកម្មវិធី FaceTime នៅលើ iPhone ឬ iPad៖

• ជំហានទី១ យើងត្រូវបើកមុខងារ Facetime ជាមុនសិន (Turn on Facetime) ដោយ៖ ចូលតាម Settings -> FaceTime -> ទាញបើកមុខងារ Facebook

step-1

• ជំហានទី២ សូមធ្វើការស្វែងរកឈ្មោះលេខទំនាក់ទំនង (Contact) (សូមបញ្ជាក់ថា៖ អ្នកដែលយើងហៅទូរស័ព្ទទៅកាន់ គេត្រូវប្រាកដថា បានអនុវត្តន៍នៅជំហានទី១ រួចរាល់) បន្ទាប់មក សូមធ្វើតាមការបង្ហាញជូនដូចរូបភាពខាងក្រោមនេះ៖

step-2

បើប្រិយមិត្តណាធ្វើការអនុវត្តន៍មិនទទួលបានជោគជ័យ សូមធ្វើការទំនាក់ទំនង់មកកាន់ Facebook Page របស់ពួកយើង ដោយវាយបញ្ចូលត្រង់ប្រអប់ស្វែងរកនៅក្នុង Facebook នូវពាក្យថា @PostTechMedia ដែលមានរូបតំណាងដូចបង្ហាញខាងក្រោម៖

13466380_116778465416303_4321027805284250097_n

ឬសូមចុច៖https://www.facebook.com/PostTechMedia/ សម្រាប់ព័ត៌មានបន្ថែម៕

ចែកចាយបន្ត