ក្រុមហ៊ុនផលិត...

ក្រុមហ៊ុនផលិតរថយន្តធំៗ រួមគ្នាស្ថាបនាស្ថានីយ៍សាករថយន្តអគ្គីសនីថាមពលខ្ពស់នៅអឺរ៉ុប

ចែកចាយបន្ត

p90243362_highres_evolution-of-ccs-cha

ក្រុមហ៊ុនផលិតរថយន្តធំៗ នៅជុំវិញពិភពលោក បានរួមគ្នាវិនិយោគលើគម្រោងសាងសង់ស្ថានីយសាកអាគុយ រថយន្តអគ្គីសនីថាមពលខ្លាំង កម្រិត ៣៥០ គីឡូវ៉ាត់ នៅតំបន់អឺរ៉ុប ដើម្បីជួយសម្រួលដល់អ្នកប្រើប្រាស់ រថយន្តអគ្គីសនី ក្នុងការធ្វើដំណើរទៅកាន់ទីកន្លែងផ្សេងៗ និងជួយបង្រួញពេលវេលាសាកឱ្យកាត់តែខ្លី និងឆាប់រហ័ស ជាងស្ថានីយ៍សាកដែលមាននាពេលបច្ចុប្បន្ន។

យោងតាមរបាយការណ៍ពី techchurch ក្រុមហ៊ុន BMW, Daimler, Ford, និង Volkswagen គ្រោងនឹងស្ថាបនាស្ថានីយ៍ សម្រាប់សាករថយន្តអគ្គីសនីចំនួន ៤០០ កន្លែងក្នុងឆ្នាំ ២០១៧ សម្រាប់ជំហានដំបូង។ បន្ទាប់មក ពួកគេនឹងបន្តសាងសង់បន្ថែមរហូតដល់រាប់ពាន់កន្លែងមុនឆ្នាំ ២០២០ ពោលគឺ នៅពេលដែលពួកគេអាចបង្កើនខ្សែចង្វាក់ផលិតកម្មរថយន្តអគ្គីសនីរបស់ខ្លួនក្នុងបរិមាណដ៏ច្រើន។

បច្ចេកវិទ្យាមូលដ្ឋានសម្រាប់ស្ថាបនាស្ថានីយ៍ទាំងនោះ មានឈ្មោះថា Combined Charging System (CCS) ដែលវាអាចផ្ទេរថាមពលអគ្គីសនីកម្លាំង ៣៥០ គីឡូវ៉ាត់ ចូលទៅក្នុងអាគុយរថយន្តតាមរយៈឌុយសាក Combo Coupler បានយ៉ាងឆាប់រហ័ស ហើយវានឹងក្លាយជាស្តង់ដាថ្មីមួយគាំទ្រដោយក្រុមហ៊ុន BMW, BW, Daimler, និង Ford ប៉ុន្តែ វាក៏មានការរួមចំណែកពីក្រុមហ៊ុន Hyundai, GM, និង FCA ផងដែរ។

Chevy Bolt គឺជារថយន្តអគ្គីសនីគំរូបំពាក់ប្រព័ន្ធសាកអាគុយស្តង់ដា CCS ដ៏ថ្មីស្រឡាងមួយ ដែលស្តង់ដារបស់វា គ្រប់គ្រងដោយក្រុមមួយដែលបង្កើតឡើងដោយក្រុមហ៊ុន Audi, BMW, Daimler, និង VW ដើម្បីជំរុញបច្ចេកវិទ្យា CCS ឱ្យក្លាយជាស្តង់ដាឧស្សាហកម្មរថយន្តអគ្គីសនីថ្ងៃអនាគត។

គួរបញ្ចាក់ថា ក្រុមហ៊ុន Telsa ក៏បានចូលរួមចំណែកក្នុងការគាំទ្រស្តង់ដានេះដែរកាលពីខែមិនា ហើយក្រុមហ៊ុនផលិតរថយន្តអគ្គីសនីរបស់អាមេរិកដ៏ធំនេះ ត្រូវបានគេរាយការណ៍មកថា កំពុងធ្វើការលើឌុយសាកដែលនឹងជួយឱ្យវាគាំទ្រស្តង់ដា CCS៕

ចែកចាយបន្ត