Post News Media ព័ត៌មានបច្ចេកវិទ្យា Laptop អេក្រង...

Laptop អេក្រង់ភ្លោះ ៣ ដំបូងបង្អស់របស់ពិភពលោក ត្រូវចោរលួចនៅពិព័រណ៍ CES 2017

ចែកចាយបន្ត

វាគឺជារឿងគួរឱ្យភ្ញាក់ផ្អើលមួយនៅឯពិព័រណ៍ CES 2017 នាទីក្រុង Las Vegas កាលពីយប់ថ្ងៃអាទិត្យសប្តាហ៍ ដោយកុំព្យូទ័រយួរដៃគំរូរបស់ក្រុមហ៊ុន Razer ដែលបំពាក់អេក្រង់ ៣ ត្រូវបានចោរលួចទៅបាត់អស់ចំនួន ២ គ្រឿងនៅឯស្តង់ពិព័រណ៍។ នេះបើតាមការអះអាងរបស់នាយកប្រតិបត្តិក្រុមហ៊ុន លោក Min-Liang Tan សរសេរលើទំព័រ Facebook របស់ខ្លួន នាព្រឹកព្រលឹមថ្ងៃបន្ទាប់។

គាត់បាននិយាយថា ក្រុមហ៊ុនបានដាក់ពាក្យបណ្តឹងទៅនគរបាលមានសមត្ថកិច្ចរួចរាល់ហើយ ហើយកំពុងសហការជាមួយបុគ្គលិកគ្រប់គ្រងស្តង់ និងមន្ត្រីអនុវត្តច្បាប់ដើម្បីតាមវែកមុខជនប្រព្រឹត្ត។

កុំព្យូទ័រយួរដៃ Razer ត្រូវបានផលិតឡើងជាមួយការបំពាក់ក្តារចុចម៉េហ្គានិច និងអេក្រង់ 4k ទំហំ ១៧.៣ អ៊ីញចំនួន ៣ ដែលអាចបើកត្រដាងឡើងឆ្វេងស្តាំ ចេញពីអេក្រង់កណ្តាលដោយស្វ័យប្រវត្តិនៅពេលវាត្រូវបានបើកដំណើរការ។
ក្រុមហ៊ុនបានប្រកាសថា នឹងផ្តល់ប្រាក់រង្វាន់ ២៥,០០០ ដុល្លារ ទៅដល់នរណាដែលអាចផ្តល់ព័ត៌មានឈានទៅដល់ការចាប់ខ្លួនចោរ៕

ប្រភពព័ត៌មាន: tnw, polygon