Post News Media ព័ត៌មានបច្ចេកវិទ្យា ៧ ចំណុចនេះបង្...

៧ ចំណុចនេះបង្ហាញថា Galaxy S8 អាចផ្តួល iPhone 7 បានស្រួល

ចែកចាយបន្ត

យោងតាមគេហទំព័រដ៏ល្បីល្បាញមួយឈ្មោះ Android Authority បានបង្ហាញនូវភាពជាក់ស្តែងថា Galaxy S8 គឺល្អប្រសើរជាង iPhone 7 ដោយសំអាងលើលក្ខណ:សម្បត្តិខុសគ្នា ៧ ចំណុច ខាងក្រោមនេះ៖

– ការបង្ហាញចេញនៃអេក្រង់

Galaxy S8 មានអេក្រង់ស្រលះ និងធំជាង iPhone 7 ហើយមានខ្នាតបញ្ចាំងរូបភាពធំជាង និងកម្រិតភាពច្បាស់ខ្ពស់ជាង។ Galaxy S8 ក៏មាននូវបច្ចេកវិជ្ជាចុចប៉ះលើអេក្រង់ និងមានស៊ុមអេក្រង់ដ៏សែនស្តើងផងដែរ។

 

– រន្ធដោតកាស

ក្រុមហ៊ុន Apple ស្រាប់តែដកចោលនូវរន្ធដោតកាសប្រភេទ 3.5mm នៅលើ iPhone 7 កាលពីឆ្នាំមុន ដើម្បីធ្វើឲ្យស្មាតហ្វូនរបស់គេ មានកម្រាស់កាន់តែស្តើងជាងមុន។ ទោះជាយ៉ាងណា Galaxy S8 នៅតែភ្ជាប់មកជាមួយរន្ធដោតកាស ហើយនៅតែមានប្រព័ន្ធការពារជ្រាបទឹកយ៉ាងល្អប្រសើរជាង iPhone 7 ទៅទៀត ហើយថែមទាំងអាចភ្ជាប់ជាមួយកាសឥតប្រើខ្សែបានដូចគ្នា។

 

– ជម្រើសនៃការដោះសោ

Galaxy S8 មាននូវជម្រើសដោះសោរជាច្រើនដូចជា តាមរយ:ការស្កេនក្រយៅដៃ លេខកូដសម្ងាត់ ស្កេនប្រស្រីភ្នែក និងសម្គាល់ផ្ទៃមុខ។ រីឯ iPhone 7 យើងឃើញមានតែ តាមរយ:ការស្កេនក្រយៅដៃ និងលេខកូដសម្ងាត់ប៉ុណ្ណោះ។

 

– រន្ធបន្ថែមអង្គផ្ទុកទិន្នន័យ

Galaxy S8 អាចផ្ទុកទិន្នន័យបានច្រើនជាង iPhone 7 ទ្វេដង។ ពិតណាស់ iPhone 7 បានចេញមកជាមួយជម្រើសទំហំផ្ទុក 128 GB និង 256 GB ប៉ុន្តែសម្រាប់ Galaxy S8 វិញ អ្នកប្រើប្រាស់មានជម្រើសអាចបន្ថែមមេម៉ូរីកាតប្រភេទ MicroSD បានគ្រប់ពេល ដោយចំណាយលុយមិនដល់ ១៥០ ដុល្លារផង អាចទទួលបានទំហំផ្ទុកទិន្នន័យ ឬឯកសារផ្សេងៗបន្ថែមរហូតដល់ 256 GB។ លើសពីនេះ អ្នកប្រើប្រាស់អាចទិញវាបម្រុងទុកពេលត្រូវការដោះដូរបានថែមទៀត។

– រចនាបថខាងក្រៅ

រចនាបថផ្នែកខាងក្រៅ មួយណាស្អាត ឬមិនស្អាតវាអាស្រ័យទៅលើភ្នែករបស់អ្នកកាន់ ប៉ុន្តែ បើតាមការឌីហ្សាញផ្នែកខាងមុខ Galaxy S8 មើលទៅពិតជាគួរឲ្យទាក់ទាញមែន តែក៏មិនលើស iPhone 7 ប៉ុន្មានដែរ។ ចំណុចដែលសំខាន់ គឺការរចនាទ្រង់ទ្រាយកាមេរ៉ាផ្នែកខាងក្រោយ បើសិនដាក់ផ្ទឹមជាមួយ​ iPhone 7 នៅលើតុ យើងឃើញថា ភ្នែកកាមេរ៉ារបស់ iPhone 7 លៀនចេញក្រៅខ្លាំងពេក ធ្វើឱ្យវាកល់ជាមួយតុ បណ្តាលឲ្យពេលចុចគ្មានលំនឹងល្អ ខុសពី Galaxy S8 បើទោះជាវារាងក្រាស់ជាង iPhone 7 បន្តិច ប៉ុន្តែ ភ្នែកកាមេរ៉ារបស់វាស្ទើរតែរាបស្មើ ងាយស្រួលដាក់លើតុប្រើប្រាស់បានយ៉ាងនឹងល្អ។

 

– ការបញ្ចូលថាមពលថ្មដោយឥតប្រើខ្សែ

iPhone 7 ពុំមានជម្រើសសាកថ្មឥតប្រើខ្សែនោះទេ ហើយនេះ ក៏មិនជាបញ្ហាអីធំដុំដែរ។ ប៉ុន្តែ S8 មានបច្ចេកវិជ្ជាសាកថ្មរហ័សទាំងឥតខ្សែ និងប្រើខ្សែ។ ដោយឡែកបច្ចេកវិជ្ជាទាំងប៉ុន្មាននេះ សុទ្ធតែមិនបានផ្តល់ជូនដោយក្រុមហ៊ុន Apple នៅលើ iPhone 7។ លើសពីនេះ S8 បំពាក់ថាមពលថ្មធំជាង iPhone 7 ដល់ទៅបីដងឯណោះ ជាមួយអាយុកាលវែងជាងមុនទៀតផង។

 

៧ – ប្រព័ន្ធដំណើរការ

នេះមិនបានមានន័យថា Android អាចធ្វើការបានច្រើនជាង iOS នោះទេ។ ប៉ុន្តែ Samsung បានបន្ថែមកំណែលើប្រព័ន្ធថ្មីជាច្រើនខុសពីធម្មតា។ S8 ដើរដោយប្រព័ន្ធ Android ជំនាន់ចុងក្រោយ អនុញ្ញាតឲ្យអ្នកប្រើប្រាស់ផ្លាស់ប្តូរប៊ូតុងបញ្ជាបានតាមចិត្ត និងកំណត់ការបង្ហាញលើអេក្រង់ដែលមិនចេះរលត់ ដូចជាការដាក់តាំងម៉ោង​ ឬប្រតិទិនជាដើម។ អ្នកប្រើប្រាស់ ថែមទាំងមាននូវជម្រើសប្រព័ន្ធបញ្ជាដោយសម្លេង ២ ប្រភេទផ្សេងពីគ្នា មិនធ្លាប់មាន គឺ Bixby និង Google Assistant៕

 

ប្រភពព័ត៌មាន: androidauthority.com

ចែកចាយបន្ត