Post News Media ព័ត៌មានបច្ចេកវិទ្យា ប្រាប់ថាខ្លាំ...

ប្រាប់ថាខ្លាំងជាង iPhone 7 Plus និងមានតម្លៃត្រឹមតែ ៣២៩ ដុល្លារជឿអត់?

ចែកចាយបន្ត

ASUS Zenfone 3 Zoom ដែលទើបបានប្រកាសចេញនៅឯពិព័រណ៌ផលិតផលបច្ចេកវិជ្ជា CES មិនទាន់បានយូរប៉ុន្មានផង គឺថាឥឡូវនេះឃើញមានដាក់លក់ក្នុងសហរដ្ឋអាមេរិកហើយ។ វាគឺជាស្មាតហ្វូនកំពូលប្រចាំក្រុមហ៊ុន ASUS ហើយបើមើលមួយភ្លែតទៅលើរចនាបថផ្នែកខាងក្រៅរបស់វា គឺស្ទើតែស្រដៀងគ្នាទៅនឹង iPhone 7 Plus ទៅហើយ តែទោះជាយ៉ាងណា លក្ខណ:ពិសេសខាងក្នុងវិញ គឺមានភាពខុសពីគ្នាទាំងស្រុង។

ដូចដែលយើងបានដឹងថា Zenfone 3 Zoom គឺជាខ្សែស្រឡាយត្រកូល Zenfone វាបំពាក់ដោយអេក្រង់ខ្នាត FHD ទំហំ 5.5 អ៊ីញ ដើរដោយអង្គប្រតិបត្តិ Snapdragon 625។ នៅផ្នែកខាងក្រោយ ឃើញមានបន្ទះស្កេនក្រយៅដៃមួយស្ថិតចំកណ្តាលផ្នែកខាងលើបន្តិច។ អ្វីដែលពិសេសជាងនេះ វាមានកម្លាំងថាមពលថ្មធំរហូតដល់ 5,000 mAh ដែលអាចចាក់វីដេអូបានដល់ទៅ ១២ ម៉ោង និង ៤០ នាទី។ វាមាន RAM ទំហំ 3GB និងអង្គផ្ទុកទិន្នន័យទំហំ 32GB។ មិនតែប៉ុណ្ណោះ វាដំណើរការដោយប្រព័ន្ធ​ Android 7.0 Nougat ដ៏ពេញនិយមថែមទៀត។

Zenfone 3 Zoom បំពាក់ដោយកាមេរ៉ាភ្លោះផ្នែកខាងក្រោយទំហំ ១២ មេហ្គាភិចសែល រីឯកាមេរ៉ាខាងមុខទំហំ ១៣ មេហ្គាភិចសែល មានសមត្ថភាពអាចថតផ្ចង់លើរូបភាព ឬវត្ថុណាមួយបានយ៉ាងរហ័សក្នុងថេរវេលាត្រឹម 0.03 វិនាទី។ លើសពីនេះ​ វាមានភ្នែកកាមេរ៉ាទំហំ ២៥ មីលី្លម៉ែត្រ អាចយឹតរូបភាពឲ្យមកកៀកជិតបានដល់ទៅ ១២ ដងខ្លាំងជាង iPhone 7 Plus ដាច់ និងអាចថតចាប់យកវីដេអូបានក្នុងកម្រិតដល់ទៅ 4K។

ប្រិយមិត្តអាចធ្វើការបញ្ជាទិញ Zenfone 3 Zoom ម៉ូឌែលថ្មីនេះបានតាមផ្សារអនឡាញធំៗដូចជា Amazon និង Best Buy ក្នុងតម្លៃ ៣២៩ ដុល្លារ៕

ប្រភព៖ theverge | droid life