Post News Media ព័ត៌មានបច្ចេកវិទ្យា ទីបំផុត! សេចក...

ទីបំផុត! សេចក្តីប្រកាសប្លុក Facebook ទូទាំងប្រទេសថៃ ត្រូវបានដកវិញហើយ

ចែកចាយបន្ត

អាជ្ញាធរប្រទេសថៃ បានសម្រេចដកការគំរាមប្លុកបណ្តាញទំនាក់ទំនងសង្គមយក្ស​ Facebook ទូទាំងប្រទេសចោលវិញ បន្ទាប់ពី Facebook បានយល់ព្រមលុបចេញនូវមាតិកាបង្ហោះផ្សាយការគំរាមកំហែងដល់ប្រព័ន្ធសន្តិសុខជាតិ និងប្រមាថដល់អង្គព្រះមហាក្សត្រ។

បើតាមសម្តីរបស់ អគ្គលេខាធិការគណ:កម្មការទូរគមនាគមន៍ និងប្រព័ន្ធផ្សព្វផ្សាយជាតិ (NBTC) លោក Takorn Tantasith បានថ្លែងថា «ពួកយើងរកឃើញថា Facebook មិនបានលុបចោលនូវមាតិកាបង្ហោះផ្សាយទាំង ១៣១ ដែលរដ្ឋាភិបាលថៃបានធ្វើសំណើរទៅ មុនកាលកំណត់ ដោយសារតែក្រុមហ៊ុនដែលមានមូលដ្ឋាននៅទីក្រុង Los Angeles នេះ មិនទាន់បានទទួលនូវសេចក្តីបង្គាប់ផ្លូវការពីតុលាការ។ ប៉ុន្តែ ក្រោយពេលបានទទួលភ្លាម Facebook ក៏ចាប់ផ្តើមធ្វើការលុបចោលមាតិកាទាំងនោះ ក្នុងពេល ២៤ ម៉ោង»។ នេះបើយោងតាមប្រភពព័ត៌មានពី theguardian

គួរបញ្ជាក់ថា កាលពីថ្ងៃព្រហស្បតិ្តសប្តាហ៍មុន និយ័តករទូរគមនាគមន៍ប្រទេសថៃ បានចេញសេចក្តីប្រកាសថា រដ្ឋាភិបាលតម្រូវឲ្យបណ្តាញសង្គមយក្ស Facebook លុបការបង្ហោះផ្សាយចំនួន ១៣១ មាតិកាចោល ត្រឹមម៉ោង ១០ព្រឹក ថ្ងៃអង្គារ ម្សិលមិញ ពាក់ព័ន្ធការរំលោភលើច្បាប់ប្រមាថរាជវង្សយ៉ាងតឹងរឹង៕

ចុចអាន៖ ថៃ ចង់បិទ Facebook ចោលទូទាំងប្រទេស នៅថ្ងៃនេះ តែមិនទាន់សម្រេច