Post News Media ព័ត៌មានបច្ចេកវិទ្យា Nokia អាចនឹងច...

Nokia អាចនឹងចេញកំពូលស្មាតហ្វូនកាមេរ៉ាភ្លោះឆាប់ៗ!

ចែកចាយបន្ត

ចាប់តាំងពីក្រុមហ៊ុន HMD Global ប្រកាសប្តេជ្ញាស្តារកិត្តិសព្ទរបស់ម៉ាកសញ្ញាទូរសព្ទ Nokia ក្នុងទីផ្សារពិភពលោកឡើងវិញកាលពីចុងឆ្នាំ ២០១៦​ មក ទូរសព្ទលំដាប់កំពូលរបស់វាមិនទាន់ត្រូវបានបញ្ចេញនៅឡើយទេ។ ពោលគឺ វាមានតែ Nokia 3, 5, 6 និង 3310 ដែលជាប្រភេទទូរសព្ទតម្លៃមធ្យម និងទាបប៉ុណ្ណោះ។

នៅក្នុងវីដេអូឃ្លីបថ្មីមួយ ទម្លាយចេញដោយអ្នកបើកកកាយព័ត៌មានសម្ងាត់ទូរសព្ទដ៏ល្បីល្បាញ គឺលោក Evan Blass បានបង្ហាញឱ្យឃើញថា Nokia ស៊េរីបន្ទាប់អាចនឹងបំពាក់កាមេរ៉ាភ្លោះនៅពីក្រោយ ហើយវានឹងចេញពីរម៉ូឌែល គឺ Nokia 8 និង Nokia 9។

តាមរយ:វីដេអូពញ្ញាក់អារម្មណ៍មួយដែលលោក Blass បានបង្ហោះផ្សាយនៅលើទំព័រ Twitter របស់ខ្លួន បានរំលេចនូវទូរសព្ទ​ Nokia មួយខ្សែ ក្នុងនោះ គេឃើញមានម៉ូឌែលចម្លែកពីរ បំពាក់កាមេរ៉ាភ្លោះនៅខាងក្រោយ ហើយវាអាចជាទូរសព្ទស៊េរីខ្ពស់ដែលក្រុមហ៊ុន HMD គ្រោងនឹងបញ្ចេញនាពេលឆាប់ៗខាងមុខ។

ទោះយ៉ាងណា វីដេអូដែលមានរយ:ពេល ៣៩ វីនាទីនេះ គឺមិនមែនបង្ហោះផ្សាយជាផ្លូវការដោយក្រុមហ៊ុន HMD ផ្ទាល់នោះទេ។ ម្លោះហើយ គេនៅស្រពិចស្រពិលនៅឡើយចំពោះភាពពិតប្រាកដរបស់វា ប៉ុន្តែ កន្លងមក ព័ត៌មានដែល Evan Blass ទម្លាយច្រើនតែក្លាយជាការពិត និងអាចជឿទុកចិត្តបាន៕

វីដេអូពញ្ញាក់អារម្មណ៍ថ្មីនេះ រំលេចឱ្យឃើញទូរសព្ទ Nokia បំពាក់កាមេរ៉ាភ្លោះ!

Posted by Post Tech on Dienstag, 16. Mai 2017

 

ប្រភពព័ត៌មាន: cnet