Post News Media ព័ត៌មានបច្ចេកវិទ្យា កាមេរ៉ាសុវត្ថ...

កាមេរ៉ាសុវត្ថិភាព Circle 2 អាចប្រើបានទាំងក្នុង និងក្រៅផ្ទះ រួមទាំងឥតប្រើខ្សែ

ចែកចាយបន្ត

ក្រុមហ៊ុនផលិតកាមេរ៉ាសុវត្ថិភាពតាមផ្ទះ ភាគច្រើន ផ្ដល់ជូនកាមេរ៉ា មួយមូឌែលសម្រាប់ប្រើក្នុងផ្ទះ និងមួយម៉ូឌែលផ្សេងទៀត ធន់នឹងអាកាសធាតុត្រជាក់ អាចប្រើនៅខាងក្រៅផ្ទះបាន។ ចំណែកឯ ក្រុមហ៊ុន Logitech វិញ ឥឡូវនេះ ផ្ដល់ជូននូវកាមេរ៉ាសុវត្ថិភាពស៊េរីថ្មី Circle 2 អាចប្រើបានទាំងនៅក្នុង និងក្រៅផ្ទះ ប៉ុន្តែមានមួយម៉ូឌែលប្រើប្រាស់ថាមពលថ្ម រួមទាំងឥតប្រើខ្សែ ខណ:ដែលមួយទៀតប្រើតភ្ជាប់ជាមួយនិងខ្សែភ្លើង។

ចំពោះកាមេរ៉ាសុវត្ថិភាព Circle 2 ស៊េរីថ្មីនេះ ឃើញថា វាពិតជាមានភាពប្លែកខ្លាំង ខុសពីកាមេរ៉ាសុវត្ថិភាពដទៃទៀត។ ដោយកាមេរ៉ា Circle 2 ទាំងប្រើខ្សែ និងឥតប្រើខ្សែសុទ្ធតែ អាចប្រើជាមួយកែវយឹត Wide-angel អាចងាកបាន ១៨០ ដឺក្រេ,រន្ធស្រូបសំឡេង ២ ច្រក, ប្រព័ន្ធឆ្លុះពេលរាត្រី (Night Vision) និងអាចថតចាប់យកវីដេអូបានក្នុងកម្រិត 1080p។

គួរបញ្ជាក់ថា Circle 2 ម៉ូឌែលប្រើខ្សែ មានតម្លៃ ១៧៩,៩៩ ដុល្លារ និងឥតប្រើខ្សែ មានតម្លៃ ១៩៩,៩៩ ដុល្លារ ហើយក្រុមហ៊ុនចាប់ផ្ដើម បើកទទួលការកុម្ម៉ង់ទិញចាប់ពីឥឡូវនេះ និងធ្វើការដឹកជញ្ជូនទំនិញនៅ ខែកក្កដា ខាងមុខនេះហើយ៕

 

ប្រភព៖ techhive

 

 

ចែកចាយបន្ត