Post News Media ព័ត៌មានបច្ចេកវិទ្យា កម្មវិធីបណ្ដា...

កម្មវិធីបណ្ដាញទំនាក់ទំនងសង្គមទាំង ៧ នេះ គួរតែមានប្រើប្រាស់គ្រប់គ្នា

ចែកចាយបន្ត

សព្វថ្ងៃនេះ កម្មវិធីបណ្ដាញទំនាក់ទំនងសង្គមមានមិនតិចទេ ដែលត្រូវបានអភិវឌ្ឍឡើងប្រជែងគ្នា បណ្ដាលឲ្យអ្នកប្រើប្រាស់ពិបាកក្នុងការសម្រេចជ្រើសរើសយកមួយណា មកប្រើប្រាស់ឲ្យប្រាកដនោះឡើយ។ សម្រាប់អ្នកដែលធ្លាប់ប្រើ និងគាំទ្របណ្ដាញសង្គម Facebook អាចនឹងគិតថា មិនចាំបាច់ស្វែងរកបណ្ដាញទំនាក់ទំនងសង្គមណាផ្សេងទៀតយកមកប្រើនោះទេ។

គួរជម្រាបថា កម្មវិធីបណ្ដាញសង្គមនីមួយៗ សុទ្ធតែមានលក្ខណ:សម្បត្តិផ្សេងៗពីគ្នា និងទម្រង់ប្រើប្រាស់ក៏ខុសប្លែកពីគ្នាដែរ ថាមិនត្រូវ ក្នុងចំណោមពួកវា អាចនឹងមានណាមួយ ត្រូវចិត្តរបស់អ្នកជាងបណ្ដាញសង្គមដែលកំពុងប្រើប្រាស់សព្វថ្ងៃនេះទៀតក៏មិនដឹង។

ខាងក្រោមនេះ គឺជាបណ្ដាញសង្គមទាំង ៧ ដ៏មានប្រជាប្រិយភាពខ្លាំង និងសុទ្ធតែមានលក្ខណ:ពិសេសល្អរៀងៗខ្លួន៖

 

1) Facebook ជាកម្មវិធីបណ្ដាញទំនាក់ទំនងសង្គមមានប្រជាប្រិយភាពខ្លាំងជាងគេ

កម្មវិធី Facebook ទទួលបានការដោនឡូដយកមកប្រើប្រាស់ច្រើនជាងគេបង្អស់​ក្នុងលោក ហើយសព្វថ្ងៃនេះ មានអ្នកប្រើប្រាស់ជាង ១ ពាន់លានអ្នក។

@ចុចដោនឡូដកម្មវិធីសម្រាប់ iOS | Android | គេហទំព័រ

 

2) Facebook Messenger បានក្លាយជាកម្មវិធីជជែកកម្សាន្តដែលមានគ្រប់យ៉ាង

ក្រុមហ៊ុន Facebook បានសម្រេចបំបែកកម្មវិធី Messenger ឲ្យដាច់ដោយឡែកពី កម្មវិធី Facebook តាំងពីឆ្នាំ ២០១៤ ម្ល៉េះ។ ហើយឥឡូវនេះ Messenger មានអ្នកប្រើប្រាស់ទូទាំងពិភពលោកជាង ៧០០ លានអ្នក និងបានក្លាយជាកម្មវិធីដែលមានសក្ដានុពលលើសពីការផ្ញើសារ​ ថែមទៀត។

@ចុចដោនឡូដកម្មវិធីសម្រាប់ iOS | Android | គេហទំព័រ

 

3) Snapchat ជាកម្មវិធីបណ្ដាញទំនាក់ទំនងសង្គម និងផ្សព្វផ្សាយ

Snapchat មានអ្នកប្រើប្រាស់ជាង ១០០ លាននាក់ ក្នុង ១ ថ្ងៃ ដែលភាគច្រើនមានវ័យចន្លោះ ១៨ ទៅ ២៤ ឆ្នាំ។ កម្មវិធីបណ្ដាញសង្គមផ្សព្វផ្សាយនេះ មិនអាចលេងបាននៅលើគេហទំព័រទេ វាសំអាងទៅលើកម្មវិធីតែមួយមុខគត់។ នាយកប្រត្តិបត្តិក្រុមហ៊ុននេះ មានឈ្មោះថា Evan Spiegel អាយុ ២៥ ឆ្នាំ បានយករូបថតលោក Steve Jobs មកតាំងនៅជញ្ជាំងផ្នែកខាងក្រោយតុរបស់លោក នៅឯកន្លែងធ្វើការផ្ទាល់ខ្លួន។ លក្ខណ:ពិសេសរបស់ Snapchat គឺប្រើប្រាស់គំនិតខ្លួនឯង មិនយកគម្រូពីគេ។ ជាឧទាហរណ៍ ការផ្ញើសារចេញនៃកម្មវិធី តម្រូវឲ្យអ្នកទទួលអាចមើលបានត្រឹមតែ ១ វិនាទី នឹងបាត់ខ្លួនដោយស្វ័យប្រវត្តិ។ Snapchat ថែមទាំងសង្កត់ធ្ងន់ទៅលើប្រព័ន្ធផ្សព្វផ្សាយ ដែលក្នុងនោះ ក៏មានការចូលរួមពីអ្នកបោះពុម្ពផ្សាយមកពីសារព័ត៌មាន BuzzFeed, Mashable, CNN, People, and Vice ធ្វើការបង្កើតជាមាតិកាបង្ហោះជាវីដេអូឃ្លីបនៅលើកម្មវិធីបណ្ដាញសង្គមនេះផងដែរ។

@ចុចដោនឡូដកម្មវិធីសម្រាប់ iOS | Android

 

4) Instagram ជាកម្មវិធីបណ្ដាញសង្គមចែកចាយរូបថត

Instagram ត្រូវបានទិញយកដោយក្រុមហ៊ុន​ Facebook ក្នុងទឹកប្រាក់ចំនួន ១ ពាន់លានដុល្លារ ក្នុងឆ្នាំ​ ២០១២ មកទល់ពេលនេះមានអ្នកប្រើប្រាស់ជាង ៤០០ លាននាក់ ក្នុង ១ ខែ។ Instagram ផ្ដោតសំខាន់ទៅលើ មនុស្សដែលស្រលាញ់ការថតរូបតាមទូរស័ព្ទ នៅជុំវិញពិភពលោក អនុញ្ញាតឲ្យពួកគេបង្ហោះរូបដែលខ្លួនបានថតក្នុងកម្រិតគុណភាពខ្ពស់ ច្បាស់ស្រស់ស្អាតបង្អួតគ្នានៅលើបណ្ដាញសង្គមរបស់គេដោយផ្ទាល់។

@ចុចដោនឡូដកម្មវិធីសម្រាប់ iOS | Android | គេហទំព័រ

 

5) Twitter ជាកម្មវិធីបណ្ដាញសង្គមព័ត៌មានទាន់ហេតុការណ៍

Twitter បានធ្វើការតស៊ូអស់រយ:ពេលជាច្រើនឆ្នាំ បើទោះបីជា មិនទទួលបានភាគជោគជ័យខ្លាំងដូចទៅនឹងបណ្ដាញសង្គម Facebook ក៏ដោយ ក៏ពួកគេនៅតែមិនផ្លាស់ប្ដូរផ្នត់គំនិត ក្នុងការផ្ដោតសំខាន់ទៅលើការចែកចាយបន្តរាល់ព័ត៌មាន និងសេចក្ដីរាយការណ៍នោះដែរ។ ហើយថ្មីៗនេះ ក្រុមហ៊ុន Twitter ឃើញថា បានកាត់បន្ថយកម្លាំងការងារប្រមាណជា 8%។ ទោះជាយ៉ាងណា វានៅតែជាបណ្ដាញសង្គមព័ត៌មានទាន់ហេតុការណ៍ជាងគេដដែល។

@ចុចដោនឡូដកម្មវិធីសម្រាប់ iOS | Android | គេហទំព័រ

 

6) WhatsApp ជាកម្មវិធីបណ្ដាញសង្គមងាយស្រួលនិយាយឆ្លើយឆ្លងទៅកាន់មិត្តជុំវិញពិភពលោក

WhatsApp ត្រូវបានទិញយកដោយក្រុមហ៊ុន Facebook ក្នុងតម្លៃ ១៩ ពាន់លានដុល្លារ ហើយឥឡូវនេះមានអ្នកប្រើប្រាស់ជាង ៩០០ លាននាក់។ WhatsApp រីករាលដាលពាសពេញពិភពលោកបានយ៉ាងរហ័ស ដោយសារតែ អ្នកប្រើប្រាស់អាចស្វែងរកមិត្តរបស់ពួកគេឃើញភ្លាមៗ តាមរយ:ការវាយបញ្ចូលលេខទូរស័ព្ទទំនាក់ទំនង ដោយមិនទាមទារការស្គាល់ អ៊ីម៉ែល ឬឈ្មោះគណនីអ្វីឡើយ។

@ចុចដោនឡូដកម្មវិធីសម្រាប់ iOS | Android | គេហទំព័រ

 

7) LinkedIn ជាកម្មវិធីបណ្ដាញទំនាក់ទំនងសង្គមក្នុងវិស័យជំនួញ

LinkedIn ជាបណ្ដាញសង្គមចែករំលែកប្រវត្តិរូបសង្ខេប (CV) ដែលសមីខ្លួនអ្នកប្រើប្រាស់បានបង្ហោះចេញដោយផ្ទាល់ វាផ្ដល់ជូននូវភាពងាយស្រួលក្នុងការ ទំនាក់ទំនងទៅកាន់មនុស្សដែលមានជាប់ពាក់ព័ន្ធក្នុងវិស័យជំនួញដូចគ្នា។ នៅលើបណ្ដាញសង្គមនេះ គឺពោរពេញដោយឳកាសការងារជាច្រើន ដែលអ្នកអាចដាក់ពាក្យធ្វើការបានយ៉ាងងាយ តាមរយ:ការផ្ញើជា Profile LinkedIn ផ្ទាល់ខ្លួនតែម្ដង ហើយមានពេលខ្លះទៀត មិនចាំបាច់ផ្ញើជា Cover Letter​ (លិខិតអមស្នើសុំចូលបម្រើការងារ) ក៏បានដែល។

@ចុចដោនឡូដកម្មវិធីសម្រាប់ iOS | Android | គេហទំព័រ

ប្រភព៖ businessinsider