Post News Media ព័ត៌មានបច្ចេកវិទ្យា អែមបាត់! ឆាប់...

អែមបាត់! ឆាប់ៗនេះ Google Drive នឹងបើកឱ្យលោកអ្នក Backup កុំព្យូទ័រទាំងមូលចូលតែម្តង

ចែកចាយបន្ត

ក្រុមហ៊ុន Google បានត្រៀមខ្លួនរួចជាស្រេចក្នុងការឆ្លើយតបតម្រូវការផ្ទុកទិន្នន័យលើកុំព្យូទ័រទាំងស្រុងចូលទៅក្នុងសេវាកម្មផ្ទុកទិន្នន័យលើបណ្តាញអ៊ីនធើណែតឈ្មោះថា Drive របស់ខ្លួន រាប់បញ្ចូលទាំងឯកសារដែលបង្កើត និងទាញបញ្ចូល (upload) តាមរយ:សេវា cloud ផ្សេងទៀត ដូចជា Google Docs និង Photos

ក្រុមហ៊ុនផលិត Software យក្សនេះ ទើបប្រកាសនូវឧបករណ៍ Sync និង Backup ថ្មីមួយ ដែលនឹងផ្តល់ឱ្យអ្នកប្រើប្រាស់គ្រប់រូប អាចកម្លងឯកសារផ្សេងៗ រួមទាំងរូបថត ពីកុំព្យូទ័ររបស់ពួកគេនៅផ្ទុកលើ Google Drive ដោយផ្ទាល់បាន។ បន្ថែមពីលើនេះ វានឹងជួយធ្វើឱ្យការគ្រប់គ្រងឯកសារនៅក្នុងសេវាកម្ម Drive នោះ កាន់តែមានភាពងាយស្រួល និងរហ័ស។ ក្នុងនោះ វានឹងបង្កើតសំណុំ Folder លើកុំព្យូទ័ររបស់អ្នកប្រើប្រាស់ឡើងវិញនៅក្នុងសេវា Drive តែម្តង។ ពោលគឺ គេមិនចាំបាច់បង្កើត Folder ថ្មីៗក្នុង Drive ម្តងទៀត ដែលនាំឱ្យពិបាក ហើយរញ៉េរញ៉ៃនោះទេ។

ឧបករណ៍ថ្មីនេះដែរ ក៏នឹងអនុញ្ញាតឱ្យលោកអ្នកជ្រើសរើស Folder លើកុំព្យូទ័រ ហើយទាញវាទៅរក្សាទុកក្នុង Drive ដោយផ្ទាល់តែម្តង ហើយវានឹងចេញនៅថ្ងៃទី ២៨ មិថុនា ខាងមុខ ជាមួយជម្រើសកញ្ចប់សេវាបង់ថ្ងៃ G Suite សម្រាប់អ្នកជំនួញ ដោយពួកគេនឹងទទួលបានមុខងារមុខងារពិសេស Drive File Stream នៅពេលក្រោយក្នុងឆ្នាំនេះ៕

ប្រភពព័ត៌មាន: theverge

ចែកចាយបន្ត