Post News Media ព័ត៌មានបច្ចេកវិទ្យា ក្រុមហ៊ុន Air...

ក្រុមហ៊ុន Airbus បើកបង្ហាញយន្តហោះពាណិជ្្ជ អាចផ្ទុកអ្នកដំណើរបានច្រើនដល់ម្លឹង!

ចែកចាយបន្ត

ក្រុមហ៊ុនអាកាសចរណ៍ Airbus បានបើកបង្ហាញយន្តហោះពាណិជ្ជកម្មដ៏ធំ A380 ជំនាន់ថ្មី នៅឯពិព័រណ៍យន្តហោះ Airshow កាលពីថ្ងៃច័ន្ទម្សិលមិញ និងបានអះអាងថាមានប្រសិទ្ធភាពជាងមុនច្រើន។

ជាមួយនិងការរចនាឡើងថ្មីនៃស្លាបសងខាងនៃយន្តហោះ A380plus ពិតជាអាចហោះជ្រែកខ្យល់បានយ៉ាងល្អជាងមុន នឹងសន្យាថា ជួយកាត់បន្ថយថ្លៃសាំងបានរហូតដល់ ៤% នេះដោយយោងតាម សេចក្ដីរាយការណ៍ចេញពីគេហទំព័រ Airbus ផ្ទាល់។

យន្ដហោះដែលកែប្រែរូបរាងថ្មីនេះ មានសមត្ថភាពអាចផ្ទុកអ្នកដំណើរបានជាច្រើននៅលើវា។ ដោយបច្ចុប្បន្ន យន្តហោះ A380 ស៊េរីមុុន អាចដឹកអ្នកដំណើរបានច្រើនបំផុតត្រឹម ៤៩៧ នាក់ ប៉ុន្តែសម្រាប់ A380plus ស៊េរីថ្មីនេះវិញ អាចដឹកបានដល់ទៅ ៥៧៥ នាក់។

ក្រុមហ៊ុនអាកាសចរណ៍ដ៏ធំជាងគេលើពិភពលោកនេះ បានធ្វើការបញ្ជាទិញយក ម៉ាស៊ីនយន្ដហោះភ្លោះ តូចជាងស៊េរីមុន ដើម្បីធ្វើឲ្យការហោះហើរចំណាយថ្លៃដើមតិចជាងមុន។ ក្រុមហ៊ុន Airbus ក៏បានប្រកាសថា នឹងផលិតយន្តហោះម៉ូឌែល A380s នេះត្រឹម ១២ គ្រឿង ក្នុងឆ្នាំ ២០១៧ គឺតិចជាងឆ្នាំមុន ១៥ គ្រឿង។

បើយោងតាមសម្ដីរបស់លោក John Leahy ដែលជាប្រធានប្រតិបត្តិការក្រុមហ៊ុន Airbus បានឲ្យដឹងថា យន្ដហោះ A380plus នឹងធ្វើឲ្យវិស័យសេដ្ឋកិច្ចមានភាពប្រសើរជាងមុន រួមទាំងអាចបង្កើនសមត្ថភាពប្រតិបត្តិការបានស្របពេលគ្នាផងដែរ៕

ប្រភព៖ cnet