Post News Media ព័ត៌មានបច្ចេកវិទ្យា ហាងអនឡាញ Amaz...

ហាងអនឡាញ Amazon នឹងដាក់លក់ស្បែកជើង Nike ដោយផ្ទាល់ ជាលើកដំបូង

ចែកចាយបន្ត

ក្រុមហ៊ុន Amazon និង Nike បានចាប់ដៃគូរសហការគ្នា ដាក់លក់ស្បែកជើង Nike នៅលើហាងទំនិញអនឡាញយក្ស Amazon ដើម្បីទប់ស្កាត់ការលក់ផលិតផលក្លែងក្លាយ។ នេះដោយយោងតាមសេចក្ដីរាយការណ៍ពីសារព័ត៌មាន Bloomberg។ កិច្ចព្រមព្រាងនេះ ធ្វើឱ្យមានការជោគជ័យធំសម្រាប់ក្រុមហ៊ុនទាំងពីរ។ ដូចដែលវាបានផ្ដល់ជូនក្រុមហ៊ុន Nike ក្នុងការក្ដោបក្ដាប់លើនិយ័តកម្មការលក់នៃផលិតផលចម្លងពីអ្នកលក់បន្ដ និងផលិតផលដើមដែលទិញចូលជាដេប៉ូ ដោយអ្នកចែកចាយមិនមានអាជ្ញាប័ណ្ណ នៅលើហាងទំនិញអនឡាញ Amazon.com។ ម្យ៉ាងវិញទៀត វាក៏បានផ្ដល់ជូនក្រុមហ៊ុន Amazon នូវប្រភពចំណូលថ្មីច្រើនគួរសមនៅក្នុងទីផ្សារសម្លៀកបំពាក់និងស្បែកជើង ដែលជាវិស័យសំខាន់នៅក្នុងការជំរុញធំទូលាយមួយពីក្រុមហ៊ុន Amazon ដើម្បីបង្កើតឱ្យមានការរីកចំរើនផ្នែកសម្លៀកបំពាក់ និងម៉ូដទាន់សម័យ។

ក្រុមហ៊ុន Nike ធ្លាប់បានដាក់លក់ស្បែកជើងដែលខ្លួនផលិត នៅលើគេហទំព័រ Zappos.com ដែលមានការគ្រប់គ្រង់ដោយ Amazon។ ទោះយ៉ាងណា Nike មិនដែលអនុញ្ញាតឲ្យ ​Amazon ដាក់លក់ផលិតផលរបស់គេដោយផ្ទាល់នោះទេ គឺខុសគ្នាទៅនឹង គូរប្រជែងផលិតស្បែកជើង Adidas និង Under Armour ដែលសុទ្ធតែដាក់លក់នៅលើហាងទំនិញអនឡាញ Amazon ទំព័រមុខតែម្ដង។

លើសពីការកាត់បន្ថយចំណែកអ្នកលក់ភាគីទី៣ ដែលស្ដុកផលិតផល Nike ទុកដោយមិនការគ្រប់គ្រងផ្ទាល់ពីក្រុមហ៊ុន។ វាថែមទាំងអាចនឹងផ្ដល់ជូនក្រុមហ៊ុន Nike នូវការទំនាក់ទំនងទៅកាន់ក្រុមអតិថិជនថ្មី ដែលចូលចិត្តទិញអីវ៉ាន់ពីក្នុងហាងទំនិញអនឡាញ Amazon ឱ្យផ្លាស់ប្ដូរការទិញស្បែកជើងតាមហាង មកនៅលើអនឡាញវិញ៕

ប្រភព៖ The verge