Post News Media ព័ត៌មានបច្ចេកវិទ្យា Apple និង Tim...

Apple និង Tim Cook អបអរទិវាមោទនភាពភេទទី​ ៣ តាមទីក្រុងនៅជុំវិញពិភពលោក

ចែកចាយបន្ត

ក្រុមហ៊ុន Apple រួមទាំងនាយកប្រតិបត្តិរបស់ក្រុមហ៊ុនផងនោះ នៅសប្តាហ៍នេះ បានប្រារព្ធទិវាមោទនភាពមនុស្សភេទទី៣ ឬហៅថាខ្ទើយ យ៉ាងឱឡារឹក ក្នុងទីក្រុងផ្សេងៗនៅជុំវិញពិភពលោក រាប់បញ្ចូលទាំងទីក្រុង San Francisco, New York, និង Toronto។
ដូចជាឆ្នាំកន្លងទៅផងដែរ បុគ្គលិកក្រុមហ៊ុនបច្ចេកវិទ្យាយក្ស បានចេញដើរក្បូនដង្ហែរតាមដងផ្លូវ ក្នុងសម្លៀកបំពាក់អាវយឺតរំលេចរូបសញ្ញា Apple ពណ៌ឥន្ទនូ ជាមួយអក្សរ #ApplePride និងបានសរសេរសារជំរុញទឹកចិត្តអ្នកស្រឡាញ់ភេទដូចគ្នាឱ្យហ៊ានចេញមុខ និងមានមោទនភាពលើខ្លួនឯង “Out and Proud” ជាដើម។

ប្រធានក្រុមហ៊ុន Apple គឺលោក Tim Cook ដែលបានចូលរួមក្នុងទិវា Pride2017 តាមរយ:ទំព័រ Twitter ផ្លូវការរបស់លោកដោយការផ្ញើសារដោយដាក់ថា “រីករាយទិវាមោទនភាពភេទទីបី សម្រាប់បុគ្គលិករបស់យើងទាំងអស់ ក្រុមគ្រួសាររបស់ពួកគេ និងអតិថិជននានានៅជុំវិញពិភពលោក”។
សូមរំឭកថា ក្រុមហ៊ុន Apple បានផ្តួចផ្តើម និងចេញមុខគាំទ្រក្រុមមនុស្ស LGBTQ យ៉ាងសកម្មពីរបីឆ្នាំកន្លងមកហើយ គឺបន្ទាប់ពីលោក Cook បានប្រកាសជាសាធារណ:នៅក្នុងឆ្នាំ ២០១៤ ថាលោកគឺជាបុរសស្រឡាញ់បុរស ឬហៅថា Gay៕

ប្រែសម្រួល: សេង, ប្រភពព័ត៌មាន: 9to5mac