Post News Media ព័ត៌មានបច្ចេកវិទ្យា Qualcomm ជោគជ...

Qualcomm ជោគជ័យការសាកល្បងអិុនធើណែត 5G លើស្មាតហ្វូនជាលើកដំបូង

ចែកចាយបន្ត

នៅក្នុងកិច្ចប្រជុំ 4G/5G ប្រចាំឆ្នាំ ក្នុងទីក្រុងហុងកុង កាលពីឆ្នាំមុន ក្រុមហ៊ុន Qualcomm បានបើកបង្ហាញម៉ូឌីឹម 5G ដំបូងរបស់ខ្លួន ឈ្មោះ Snapdragon X50។ លុះក្នុងព្រឹត្តិការណ៍ឆ្នាំនេះ ក្រុមហ៊ុនបានប្រកាសពីការឈានដល់ជំហានថ្មីមួយទៀត ក្នុងការឆ្ពោះទៅកាន់ក្តីសុបិននៃការបំពាក់ប្រព័ន្ធអិុនធើណែត 5G ទៅដល់អ្នកប្រើប្រាស់ស្មាតហ្វូន។

ក្រុមហ៊ុនបានថ្លែងថា ខ្លួនបានសម្រេចជោគជ័យក្នុងការតភ្ជាប់អិុនធើណែតល្បឿន 5G នៅលើទូរសព្ទចល័ត​មួយដែលប្រើម៉ូឌឹម X50 របស់ខ្លួន។ ការសាកល្បងជាលើកដំបូងនោះ ត្រូវបានធ្វើឡើងដោយប្រើប្រាស់កម្លាំងហ្វ្រេកង់រលកសញ្ញាកម្រិតមីល្លីម៉ែត្រ 28HGz និងបានឈានដល់ល្បឿន 1.25 Gbps ហើយក្រុមហ៊ុនបានបន្ថែមថា នៅពេលដែលបច្ចេកវិទ្យា 5G រួចរាល់ពិតប្រាកដ វានឹងអាចបញ្ជូនទិន្នន័យក្នុងល្បឿន 5 Gbps។

ក្នុងព្រឹត្តិការណ៍ 4G/5G ឆ្នាំនេះដែរ ក្រុមហ៊ុនផលិតបន្ទះឈីបឈានមុខ Qualcomm​ ក៏បានបញ្ចេញរចនា​បទគំរូនៃស្មាតហ្វូនប្រើប្រព័ន្ធ 5G ផងដែរ ដោយវាត្រូវគេរំពឹងថា នឹងអាចប្រកាសចេញនៅឆមាសទី១ ឆ្នាំ​២០១៩។ វាមានកម្រាស់ ៩ មីល្លីម៉ែត្រ និងក្រាលដោយអេក្រង់គ្មានស៊ុម ស្រដៀងនឹងស្មាតហ្វូនមួយចំនួននាពេលបច្ចុប្បន្នផងដែរ៕

ប្រភពព័ត៌មាន: techspot

ចែកចាយបន្ត