Post News Media ព័ត៌មានបច្ចេកវិទ្យា ចង់ដឹងព័ត៌មាន...

ចង់ដឹងព័ត៌មានសេវាសាធារណ:រដ្ឋ ចាំបាច់ទៅសួរពីណាឆ្ងាយធ្វើអី!

ចែកចាយបន្ត

សម័យបច្ចេកវិទ្យាចល័តស្មាតហ្វូនទៅហើយ ចង់ដឹងព័ត៌មានស្តីអំពីសេវាកម្មសាធារណ:ផ្សេងៗ ចាំបាច់ទៅដើរសួរឯណាឆ្ងាយអីទៀត! ព្រោះថា កម្មវិធី Cambodia Public Services ដែលផ្តួចផ្តើមបង្កើតឡើងដោយក្រសួងមុខងារ​សាធារណ: និងក្រសួងប្រៃសណីយ៍ និងទូរគមនាគមន៍កម្ពុជា អាចជួយលោកអ្នកបាន។

កម្មវិធីទូរសព្ទដៃមួយនេះ គឺជាប្រភពព័ត៌មានស្តីអំពីសេវាកម្មសាធារណ:នានារបស់រដ្ឋ ដែលមានដូចជា ការចុះបញ្ជី ការផ្តល់ផ្លាកលេខសម្គាល់យានយន្ត ការផ្តល់លិខិតឆ្លងដែន និងការធ្វើអាជីវកម្មផ្សេងៗជាដើម។ល។ មិនតែប៉ុណ្ណោះ ព័ត៌មានទាំងនោះត្រូវបានរៀបចំ និងបែកចែកតាមផ្នែក ឬជំពូក ដើម្បីផ្តល់ភាពងាយស្រួលដល់អ្នកប្រើប្រាស់ចូលអាន ហើយវាថែមទាំងអាចដំណើរការលើទូរសព្ទដៃដើរដោយប្រព័ន្ធ Android និង​ iOS ទៀតផង។

សូមចុចត្រង់នេះដើម្បីទាញយក (Android, iOS) ឬចូលទៅកាន់ Play Store (សម្រាប់ទូរសព្ទ Android) ឬ App Store (សម្រាប់ iPhone, iPad) ស្វែងរកឈ្មោះកម្មវិធី ដើម្បីទាញយកទៅដំឡើងប្រើក៏បាន៕

 

ចែកចាយបន្ត