Post News Media ព័ត៌មានបច្ចេកវិទ្យា ទីបំផុត Micro...

ទីបំផុត Microsoft ចេញ Edge សម្រាប់ iPhone និង Android ហើយ!

ចែកចាយបន្ត

ប្រិយមិត្តដែលនិយមប្រើប្រាស់កម្មវិធី Microsoft Edge លើប្រព័ន្ធ Windows ឥឡូវអាចបំភ្លេចកម្មវិធី Safari និង Chrome លើទូរសព្ទ iPhone និង Android របស់ខ្លួនបានហើយ។ អាចបំភ្លេចបានក៏ដោយសារតែម្សិលមិញ ក្រុមហ៊ុនបានចេញកម្មវិធី Browser នេះលើ App Store និង​ Play Store សម្រាប់​ទាញយកទៅប្រើលើឧបករណ៍ចល័តដើរដោយប្រព័ន្ធ iOS និង​ Android ដោយសេរីជាហើយ។

សម្រាប់លោកអ្នកដែលកំពុងប្រើកម្មវិធី Edge នេះលើកុំព្យូទ័រ ហើយប្រើវានៅលើទូរសព្ទដៃទៀត នឹងទទួលបានអត្ថប្រយោជន៍បានកាន់តែច្រើន ធៀបនឹងការប្រើកម្មវិធី Safari ឬ Chrome។ តួយ៉ាងដូចជា វានឹងផ្ទេរទៅមក (Syncs) ពីកម្មវិធីលើកុំព្យូទ័រ និងទូរសព្ទ នូវលេខកូដសម្ងាត់ អាសយដ្ឋានគេហទំព័រដែលលោកអ្នកចូលចិត្តបើកមើល និងប្រវត្តិអាសយដ្ឋានដែលបានរុករក ជាដើម។

លើសពីនេះ Microsoft Edge សម្រាប់ទូរសព្ទចល័ត ក៏ំមានបង្កប់មុខងារអាន QR Code និងបញ្ជាដោយសំឡេងផងដែរ។​ ប៉ុន្តែ ផ្ទាំងកម្មវិធីរបស់វាមិនទាន់អាចគាំទ្រពេញលេញជាមួយមាត្រដ្ឋានអេក្រង់ ១៩.៥:៩ របស់ iPhone X នៅឡើយទេ។ ដូច្នេះ លោកអ្នកនឹងឃើញគែមអេក្រង់ខាងលើ អមសងខាងកាមេរ៉ាមុខបន្សល់ទុកនៅពណ៌ខ្មៅ លុះត្រាលោកអ្នកបញ្ចូលកម្មវិធីសម្រាប់កែវា ឬរង់ចាំកំណែកម្មវិធីលើកក្រោយៗទៀត៕

ប្រភពព័ត៌មាន: phonearena

ចែកចាយបន្ត