Post News Media ព័ត៌មានបច្ចេកវិទ្យា យប់មិញ Fb Mes...

យប់មិញ Fb Messenger គាំងពេញពិភពលោក រាប់ទាំងកម្ពុជា

ចែកចាយបន្ត

សេវាកម្មបណ្តាញទំនាក់ទំនងសារ Messenger របស់ក្រុមហ៊ុន Facebook បានជាប់គាំងមិនដំណើរការនៅទូទាំងសកលលោក នាវេលាល្ងាចម៉ោងប្រមាណ ៦ ល្ងាច ម្សិលមិញនេះ (ម៉ោងនៅកម្ពុជា) ដែលធ្វើឱ្យអ្នកប្រើប្រាស់ច្រើនរាប់មិនអស់ត្អូញត្អែរអំពីបញ្ហានេះលើបណ្តាញសង្គម Facebook និង Twitter។ នេះបើយោងតាមប្រភពព័ត៌មានពីគេទំព័រ Mashable

ប្រភពដដែលបានស្រង់របាយការណ៍ពី Outage Report បានឱ្យដឹងថា មានម្ចាស់គណនី Messenger ជាច្រើនបានចាប់ផ្តើមលើកឡើងពីបញ្ហាដែលខ្លួនមិនអាចចូលទៅកាន់សេវាកម្ម Fb Messenger បាន សូម្បីតែតាមកម្មវិធី Browser នៅវេលាម៉ោងប្រមាណ ៦ ល្ងាច។

ប្រភពដដែលបានបញ្ជាក់បន្ថែមថា បញ្ហានោះ បានកើតឡើងនៅតំបន់ East Coast នៃសហរដ្ឋអាមេរិក អឺរ៉ុប និងអាស៊ីអាគ្នេហ៍ ហើយកើនឡើងខ្លាំងបំផុតនៅវេលាម៉ោងប្រមាណ ៨-៩ យប់។

ទាក់ទងបញ្ហានេះ ក្រុមហ៊ុន Facebook បានបង្ហោះសារមួយឆ្លើយតបថា ខ្លួនកំពុងបើកការសើុបអង្កេត ហើយក្រុមការងារកំពុងព្យាយាមដោះស្រាយ។ លុះដល់វេលាម៉ោង ១១.០៥ យប់ គ្រប់យ៉ាងបានវិលត្រឡប់មកសភាពធម្មតាវិញ ប៉ុន្តែ ក្រុមហ៊ុនមិនបានប្រាប់មូលហេតុនៃបញ្ហានោះទេ៕

 

ចែកចាយបន្ត