Post News Media ព័ត៌មានបច្ចេកវិទ្យា គន្លឹះសម្ងាត់...

គន្លឹះសម្ងាត់! បិទ Touch/Face ID ភ្លាមៗ កុំឱ្យគេលួចធ្វើផ្តេសផ្តាស់លើ iPhone ពេលលោកអ្នកមិនដឹងខ្លួន

ចែកចាយបន្ត

Touch ID និង Face ID ពិតជាផ្តល់នូវមធ្យោបាយងាយស្រួល និងកាន់តែមានសុវត្ថិភាពមែនហើយ ក្នុងការរក្សាទិន្នន័យក្នុងទូរសព្ទ iPhone លោកអ្នក។ ប៉ុន្តែ ឋិតក្នុងកាល:ទេស:ខ្លះ វាក៏អាចផ្តល់ភាពងាយស្រួលដល់អ្នកដទៃ ជាពិសេសមនុស្សដែលស្និទ្ធ និងនៅជុំវិញខ្លួនលោកអ្នកតែម្តង។ ដោយពួកគេ អាចឈ្លាតពេលលោកអ្នកគេងលក់ បាត់បង់ស្មារតី ឬភ្លេចខ្លួនជាដើម លួចយកម្រាមដៃ ឬផ្ទៃមុខលោកអ្នកដើម្បីដោះសោយកទូរសព្ទលោកអ្នកទៅប្រើបាន។ ដូច្នេះ បើគិត​ថាខ្លួនកំពុងឋិតក្នុងស្ថានភាពបែបនោះ លោកអ្នកអាចចុចបិទដំណើរការមុខ​ងារស្គេនម្រាមដៃ ឬផ្ទៃមុខនេះបានតាមគន្លឹះងាយៗដូចខាងក្រោម៖

– ជាដំបូងសូម សូមចុចលើប៊ូតុងបិទ/បើក (Sleep/Wake) ជាប់ៗគ្នាចំនួន ៥ ដង (សម្រាប់ iPhone ចាប់ពីស៊េរី 5s ដល់ 7) ឬច្របាច់លើប៊ូតុងបិទ/បើក (នៅ​គែមចំហៀងខាងស្តាំដៃ) និងប៊ូតុងបន្ថែមឬបន្ថយសំឡេងដំណាលគ្នា (សម្រាប់ iPhone 8, 8 Plus, និង X)
– ភ្លាមៗនោះ លោកអ្នកនឹងឃើញផ្ទាំង Power Off និង SOS Screen បង្ហាញឡើង ដែលបញ្ជាក់ថា​ មុខងារ Touch ID ឬ Face ID ត្រូវបានបិទរួចហើយ ហើយលោកអ្នកត្រូវតែវាយបញ្ចូលលេខកូដសម្ងាត់ ទើបអាចដោះសោចូលទៅកាន់កម្មវិធីទូរសព្ទខាងក្នុងបាន។


– សូមបញ្ជាក់ថា ដើម្បីបើកមុខងារ Touch/Face ID ឡើងវិញ លោកអ្នកអាចចូលទៅកាន់កម្មវិធី Settings -> Touch/Face ID & Passcode រួចចូលទៅកាន់ Passcode Lock ហើយចុចបិទ/បើកលើមុខងារ Touch/Face ID Unlock ជាការស្រេច៕

ចែកចាយបន្ត